Sondag Kopies

My hart krimp ineen as ek dink in hoeveel weelde ek hier gemaklik in my sitkamer sit en daar mense is wat niks het om te eet nie. Volgens die wette van die Landgoed  mag inwoners nie aan die werkers dinge gee nie, maar ek steur my nie daaraan nie. So Emily loop gewoonlik met ‘n pakkie hier uit. Ons gesels ook. Sy het ook drome en vrese. Sy vertel as hulle wil inkopies doen ry hulle met ‘n taxi (waarvoor hulle betaal) die winkels maak eers 9uur oop. Die taxi’s ry net tot 9uur… dan moet hulle tot 5uur wag wanneer die taxi’s weer mag ry. Sy is een van die bevoorregtes wat mag werk. My hart breek vir die wat nie mag werk nie. Kan jy jou voorstel as jy dalk nie ‘n kospakkie kry? Wat as die kos klaar is… waar gaan jy weer kry … wat gaan jy doen … my hart breek…

Dankie vir die inloer. Jy moet veilig bly en pas jouself op.

Jammer as ek die herhaal het… dis net ek…

 

 

 

Vrydag Byskrifte

Jammer ek is so skaars maar my bril se armpie het afgebreek en hoewel dit nog bruikbaar is, sukkel ek maar. Grinnik… soos vanoggend toe ek moes inkopies gaan doen, was dit net nie moontlik om die bril en ‘n masker te hanteer. Ek het maar die bose kyke geïgnoreer! Een mens het ook net twee ore en neus …sug.

Met die grendeltyd is mense meer tuis en daar is meer van elkeen op sosiale media. My hart wil sommer bars van trots as mens sien waarmee jou oud-leerders besig is. Ons het in die 1990’s ons eie Idols gedoen. Alle kinders moes ‘n oudisie doen, al is dit net vir ‘n Kuns en Kultuur punt. Ek het altyd gesê: Almal gaan een of ander tyd voor mense moet optree…al is dit tydens ‘n vergadering of in die kerk of selfs net op jou troue. So was daar ‘n paneel van 3 onderwysers en 1 kind op die verhoog – angswekkend nê. Tog was daar net twee wat in al die tyd gehuil het, waarvan een tussen die eerste 10 geëindig het. Daarna is so 20+ gekies wat voor die skool moes sing en laastens die finale aand wanneer die finale 10 vir die ouers sing.  (Die gehoor het elke keer gestem) Om ‘n lang storie kort te maak: Die weke het 2 jong mense die vrymoedigheid gehad om hulle sang op FB te sit. Dis hoendervleis mooi en my hart wil bars van trots.

Dankie vir die inloer/deelneem. Hoop jy het ‘n lekker naweek. Onthou om bly glimlag en bly veilig.

1

2

3

4

5

6

Sondag Kopies

Tweede Sondag wat ek niks het om te berig, want dis stil op die Landgoed. ‘n Grappie of twee kan jou dalk opbeur.

Pieter: “Jan, het jy gehoor Koos het geval uit ’n boom wat 30 meter hoog is?”

Jan: “Nee. Hy lê seker nou in die hospitaal?”

Pieter: “Nee. Hy het net ’n meter hoog geklim toe sy voet gly en hy val.”

*****

Die toeris vra: “Do you know psychology, methodology or geology”

Gatiep sê: “Nei my broer! I don’t know any of those big words”

Toeris: “you sure don’t know anything my friend”

Skielik stamp die boot ‘n rots en kry ‘n lekkasie en begin om te sink!

Gatiep vra: “Do you know swimology or escapology away from the crocodology!!!”

Toeris: “What the hell do you mean”

Gatiep: ” Well today you are going to see your poepology just before you versuipology and then vrekology”????

*****

‘n Jong regsstudent druip sy eksamen en besluit om met sy briljante Professor te gaan praat daaroor.

Student: “Prof verstaan u als omtrent hierdie vak?”.

Prof: “Ek sou so dink, anders sou ek sekerlik nie n professor gewees het nie, sou ek?”.
Student:” Aanvaarbaar Prof. aangesien u so baie weet wil ek ‘n ooreenkoms met u aangaan, kan ek u ‘n vraag vra en as u korrek antwoord,
dan sal ek my punte aanvaar nes dit is, maar as u nie korrek kan antwoord nie, dan is dit u plig om my n “A” te gee”.
Prof: “Hmmmmm goed.Wat is die vraag?”.
Student: “Wat is wettig maar nie logies nie, logies maar nie wettig nie en ook nie logies of wettig nie?”.
Die prof dink so al wat hy kan, maar kry nie n antwoord nie.
Hy gee toe maar vir die student n “A” en die student is hoog in sy noppies toe hy daar uitstap. Die professor het die hele dag steeds gedink en gewroeg oor die vraag en besluit toe
om n klompie van sy mees briljante studente bymekaar te kry en vir hulle die vraag te vra. Skaars het hy die vraag gevra of almal steek hul hande in die lug en die prof, met rooi wange van verleentheid, besluit om een van sy gunsteling studente geleentheid te gee om die vraag te beantwoord.
“Dis eintlik maklik Prof. u is 75 jaar oud en getroud met n 30 jarige vrou – Dis wettig maar nie logies nie”.
“U vrou het ‘n skelm affair met n 22 jarige student – Dis logies maar nie wettig nie”.
U vrou se skelmpie het sy eksamen gedruip maar u het hom ‘n “A” gegee daarvoor – Dit is nie logies of wettig nie…”

Dankie vir die inloer. Hoop jy kry ietsie na jou sin vandag. Hoop jy het ‘n mooi week en soos my ma altyd gesê het: Hou de moed der maar in!