Sondag Kopies

Hallo al julle tuisblyers! Hoop julle oorleef nog almal en dat jy jou goed besig hou. Selfs ek het ‘n naaldwerkie nader getrek ! Ek praat nie te veel en daarom ‘n grappie of meer.

Regter: “Gatiep sal jy vir die hof se wat het jy gesteel?” Gatiep: “Ek het n wekkertjie gesteel djou honor.” Regter: “Sal jy vir die hof se hoeveel kos die wekkertjie?” Gatiep: “Die wekkertjie kos R16 000 djou honor.” Regter: “Wat se wekkertjie kos R16 000????” Gatiep: ” ‘n Kragopwekkertjie djou honor!!”!

*****

‘n Ou Boesman kry ‘n spieël in die veld.

Hy weet nie wat dit is nie.

Skrik toe hy daarin kyk, want die gesig wat hy sien, lyk nes sy oorlede pa.

Elke keer as hy na sy pa verlang, kyk hy in die spieël en huil verdrietig.

Sy vrou wonder wat aangaan en gryp die spieël.

Sy kyk daarin en sien die lelikste vrou wat sy nog ooit gesien het.

Sy skreeu vir haar man: ‘Jou gemors, is dit oor hierdie lelike vrou wat jy so tjank?’

*****

Laasnag, in die kuierkamer, sit ek en my vrou en praat oor lewe, en oor doodgaan. As ‘n mediese praktisyn, het ek geldige en etiese redes hoekom ek vaste oortuigings het oor seker dinge.

Net om seker te maak dat sy weet hoe ek daaroor voel, neem ek haar hand, kyk haar in die oë en verduidelik ek dit kort en saaklik:

“Skat, moet asseblief nie probeer om my aan die lewe te hou, as ek soos ‘n ‘vegetable’ daar lê, geheel en al afhanklik van masjiene en elektroniese toerusting en vloeistowwe uit bottels nie. Ek vra jou nou, as ek in so ‘n toestand is en nie meer vir myself kan besluite neem nie, dan sal ek eerder wil sterf.”

Toe staan my vrou van die bank af op, met ‘n uitsonderlike uitdrukking van bewondering op haar gesig… en diskonnekteer die TV, die DSTV, die Dish, die DVD, die PC, sy vat my selfoon, die iPod, en die Xbox, en toe gaan sy yskas toe en gooi die brandewyn en die whiskey en al my bier in die wasbak se drein af!

EK WAS AMPER DOOD…

Dankie vir die inloer. Hoop jy kry ietsie vir jou wenslysie. Onthou om te glimlag. Veilig bly.

 

 

 

 

 

 

 

Sondag kopies – nie vir sensitiewe lesers.

Op hierdie Sondag sal ek jou nie blootstel aan my getjommel nie, dus ‘n paar grappies is gepas.

4 snydokters gesels om tafel.

1ste een sê hy opereer graag op boekhouers want hulle ingewande is almal genommer.

2de een opereer graag op elektrisiëns, hulle organe is colourcoded.

3de een sê dis maklik om op ‘n bibliotekaresse te opereer, al hul organe is alfabeties gerangskik.

4de een sê die heel maklikste operasie is op ‘n politikus, dis regtig kinderspeletjies, hulle het geen ruggraat, geen brein, geen hart. Jy kan selfs hul kop en gat omruil en niemand sal iets agterkom nie.

*****

Die vrou en ‘n baba se eerste besoek aan die dokter. Dokter kyk die baba so en vra:” Mevrou, word die baba gevoed met die bors of met die bottel?” Vrou: “Borsvoed dokter.” Dokter vra:”Mevrou trek vir my die bloes uit asb.” Dokter vryf die nipple, masseer die bors en se:” Mevrou geen wonder die baba is so klein nie, jy’t nie melk nie!” Vrou:” Ek weet dokter, ek is die ouma van die kind maar ek’s bly ek het gekom!”

*****

Die ou oom en antie sit op die stoep en drink tee .Oom se selfoon maak “bleep bleep”,hy haal dit uit sy sak om te kyk wie hom sms. Antie vra, ”Wie is dit?”
Oom antwoord,”Betty Louw,ek ken nie ‘n Betty Louw nie”,en hy sit sy foon terug in sy sak. Na ‘n paar minute maak die oom se foon weer “bleep-bleep” en hy sê, “Ai die Betty Louw is lastig.”

Antie sê,”Gee jou foon hier laat ek sien.”Sy kyk die oom se foon so en sê,”Jou onnosele donner,dis nie Betty Louw nie,dit sê Battery Low!”

*****

Dankie vir die inloer. Ek hoop jy kry ietsie vir jou wenslysie. Hoop jy sal darem glimlag ook. Mooi week vir jou.

 

 

 

 

 

Vrydag Byskrifte

Sjoe, ek was lanklaas hier. Die Fase 4 beurtkrag was net te veel hierdie kant – ja, ja ek weet dis geen verskoning nie.

Hierdie virus wat die hele wêreld betrek is baie hartseer, maar daar het darem ‘n paar goeie dinge gebring. Mense maak bietjie ‘n eerlike opname van hulle lewens en besef hoe die gejaag na wind hulle lewens oorheers. Ek het nog nooit soveel grappies oor toiletpapier gesien of gelees nie. My predikant stuur elke oggend ‘n spesiale gedagte en dit beteken baie. Grinnik… tot ek en my sus in NZ ruil soggens getalle uit. Ek gee nie om om alleen te wees nie, so dit maak van my ‘n tevrede mens. Mense kry weer empatie met ander. Dalk is dit net wat die mense nodig het om terug te keer na hulle wortels en ‘n eenvoudiger lewe.

Dankie vir jou inloer/deelneem… ek sal nou weer begin om by jou ook in te loer. Hoop jy het ‘n heerlike naweek en dat jy sal glimlag.

1

2

3

4

5

6

 

 

 

Sondag Kopies

Die ouderdom is beslis nie vir sissies nie. Behalwe dat mens se lyf nie meer wil doen wat jou kop wil nie, word jou wêreld al hoe kleiner.  Die gesellige klompie op die stoep se lag het opgedroog. Die gesellige gesprekke met middag oor ‘n koppie tee is vervang met uurtjie se saam tv kyk. Etes word ‘n stille tevrede saamwees. Ouma A se woorde is min, haar onthou weg en onsekerheid groot. Eish… niemand het gesê die lewe is regverdig nie.

Dankie vir jou inloer. Ek hoop daar is ietsie vir jou die week. Onthou alles is gratis en verniet.

 

 

 

Vrydag Byskrifte

Op ‘n koel herfs oggend moet mens min praat en dalk net ‘n grappie of twee deel.

Jannie: “Pa, is Pa bang vir ’n leeu?”

Pa: “Nee, my seun, glad nie.”

Jannie: “Is Pa bang vir ’n tier?”

Pa: “Nee, beslis nie!”

Jannie: “Is Pa dan bang vir ’n slang?”

Pa: “Nooit gesien nie!”

Jannie: “Nou, hoekom is Pa dan bang vir Ma?”

*****

“Klas!” Sê juffrou. “Luister nou mooi na die volgende sin en sê vir my wat is fout met die prentjie wat dit skets: ‘Die leeu en die koei wei in die veld’.”Jannie se hand is soos blits in die lug. Juffrou sien geen ander hand nie, en huiwerig moet sy vir Jannie ‘n kans gee.
“Juffrou, dit moet wees ‘Die koei en die leeu wei saam in die veld’.”
“Hoekom sê jy so Jannie?”
“Is daar nie ‘n reël wat sê dames eerste nie?” Antwoord Jannie ingenome.
“Dink jy nie die leeu gaan die koei eet nie Jannie?” “Hy kan,” Antwoord Jannie. “Maar dan kan hy netsowel voor stap, want dan is daai koei geen dame nie.”

****

‘n Ongelooflike depressie oorval koning leeu. Hy glo naderhand dat sy onderdane hom nie meer as koning ag nie. Met die ingedagte stap hy na die naaste PEP stores en koop vir hom ‘n Nike keps, ‘n kam en ‘n RayBan bril.Swaarmoedig stap hy in die veldpaadjie en sien Zebra eenkant staan en wei. Met ‘n moedelose stem vra hy vir Zebra:”Ou Strepe, ou Strepe ek se, wie is die coolste ou hier in die jungle?” Zebra kan sien hier is moeilikheid en antwoord baie vinnig: “Natuurlik is dit jy koning Leeu”. Koning Leeu voel effe beter, vat die kam en kam sy maanhaar dat dit mooi regop staan en stap verder. Volgende sien hy Kameelperd waar hy aan ‘n doringboom staan en kou. Koning Leeu sluipstap tot naby Kameelperd en vra met effense selfvertroue:”ou Kolle,ou Kolle ek se, wie is die coolste ou hier in die jungle?” Kameelperd hik soos hy skrik en se: “Maar natuurlik is dit jy koning Leeu.” Koning Leeu begin nou erg goed te voel, sit die Nike keps agterstevoor op sy kop en stap verder. Hier kort by die paadjie kry koning Leeu vir Ystervark snuffel langs die pad. Koning Leeu skud sy lyf en vra met selfvertroue vir Ystervark:”Ou Penne, ou Penne ek se, wie is die coolste ou hier in die jungle?” Ystervark sien hy is nie regtig in ‘n posisie om met koning Leeu te onderhandel nie en antwoord:”Dit is ongetwyfeld jy koning Leeu.” Koning Leeu voel nou so goed dat hy die RayBan bril oor sy oe laat sak en met groot gebaar agter sy ore haak. Hy stap so een en ‘n halwe voet bo die grond – so goed voel hy. So ‘n ent van die watergat sien hy hoe Olifant staan en water drink en bad. Met baie selfvertroue en ‘n groot stem vra koning Leeu van ver af:”Ou Dikkes, ou Dikkes ek se, wie is die coolste ou hier in die jungle?” Geen reaksie van die olifant nie. Koning Leeu stap nader, stamp Olifant met sy boude teen Olifant se voorbeen en brul:”Ou Dikkes, ou Dikkes net ingeval jy nie gehoor het nie, wie is die coolste ou hier in die jungle?” Die volgende oomblik klap Olifant vir Leeu met sy slurp dat jy net sien Leeu, bril, kam en Nike keps trek. Toe Koning Leeu uiteindelik tot stilstand kom skud hy die stof af en se:”As jy nie die antwoord ken nie hoef jy nie agressief te raak nie!”

Dankie vir die inloer/deelneem. Hoop jy het ‘n heerlike naweek. Onthou om te glimlag.

1

2

3

4

5

6

Sondag Kopies

Alles  (wel amper alles) visueel vind ek gewoonlik baie interessant, maar sommige advertensies irriteer nou al die wit waks uit my uit. Op FB kan mens dit darem blok, maar op die televisie is dit nou nie moontlik nie. As ek nog een keer die Outsurance , Trovago, Dotsure, of  ClearScore sien gaan ek iets na die TV gooi!  Die DSTV advertensies wat dink mense is geïnteresseerd is allerhande foefies moet weer dink.  Ooooo, maar dan kan die advertensie van die aanbieding Rooted oor die 4 bome en die Alan Gray advertensie van die pa wat elke sent vir sy kind bêre, elke dag wys.  Wat is jou grootste irritasie?  Gunsteling?

Dankie vir die inloer. Hoop daar is ietsie vandag vir jou en dat sommige goed jou sal laat glimlag. Hoop jy het ‘n lekker week.