Ek is dol oor die weer hierdie tyd van die jaar. Warm maar nie ongemaklik warm nie. Ons hoop net op goeie lentereën, maar terwyl ons wag wat van ‘n grappie of twee:
Pieter: “Jan, het jy gehoor Koos het geval uit ’n boom wat 30 meter hoog is?” Jan: “Nee. Hy lê seker nou in die hospitaal?” Pieter: “Nee. Hy het net ’n meter hoog geklim toe sy voet gly en hy val.
*****
’n Dominee soek vergeefs parkeerplek, raak haastig en parkeer toe maar op ’n rooi streep. Hy sit ’n briefie op sy ruit: “Ek het 10 keer om die blok gery. As ek nie hier parkeer nie, gaan ek laat wees vir my afspraak – ‘vergewe ons ons sondes’”.
Toe hy terugkom, kry hy ’n boetekaartjie op sy voorruit met ‘n briefie van die verkeersbeampte. “Ek ry al 10 jaar om hierdie blok. As ek nie vir u ’n kaartjie gee nie, gaan ek my werk verloor. ‘Lei ons nie in die versoeking nie’”.
*****
Twee tantes sit en gesels buite die stadsaal waar ’n blommeskou aan die gang is.
“Die lewe is so vervelig”, sê Miemie. “As jy my R50 gee, sal ek my klere uittrek en kaal deur die blommeskou nael.”
:Ek dare jou”, hits Sannie haar aan en haal die R50-noot uit haar sak. Miemie voeg die daad by die woord en nael poedelnakend deur die saal. Buite hoor Sannie ’n groot lawaai, gevolg deur luide applous. Eindelik kom Miemie weer te voorskyn en glimlag van oor tot oor.
“Wat het gebeur?” vra Sannie.
“Ek het R2000 gewen vir die beste droë rangskikking.”
Dankie vir die inloer. Ek hoop daar is iets na jou smaak vir jou wenslysie, maar bo alles dat jy darem sal glimlag.
