Vrydag Byskrifte

Dis darem tragies dat die lewe vandag oorheers word deur boelies. Op alle vlakke van die samelewing word mens geboelie om sekere dinge te doen en te dink. Ek sien dat die skool waarby ek baie jare gewerk het, ‘n anti-boelie week gehad het. Hulle het sprekers gekry, die kinders self laat praat en selfs ”n K9 vertoning gereël. Dit maak my hart lekker warm, want ek dink dis eerste plek waar ons die probleem sal moet aanspreek. ‘n Ander plek waar mens die boeliegedrag moet aanspreek is by die gesin. Ma en pa werk soveel ure per dag dat hulle altyd moeg is. Pa boelie vir ma en andersom – saam boelie hulle die kinders. Baie mense besef nie dat geweld, geweld skep nie. Jy kan vir enige boelie vra en hulle sal jou vertel van die slae wat hulle kry of gekry het. Dis werklik tyd om boelies te wys dat daar ander maniere is om probleme op te los.

Baie dankie vir die inloer/deelneem. Ek hoop jy het ‘n heerlike naweek… die lente is in die lug.

1

2

3

4

5

6

Sondag Kopies

Ek weet nie hoe jy oor karre voel nie, maar vir my is dit eintlik net ‘n vervoermiddel. (Ek sal darem nooit my rooi Alfa’tjie vergeet nie) My kar is al 9 jaar oud, maar het in verhouding baie min km op. Ons het egter nie ‘n garage vir die karre nie – hulle staan onder ontoereikende Skadunette. Die kar sit vol kalkvlekke van die sproeiers en is al ‘n dag na die skoonmaak weer vuil. Nou wonder ek, moet ek of moet ek nie ‘n nuwe koop nie? Ek weet nie hoe lank ek nog sal kan bestuur nie (Ja, ok,  ok … ek is die tantetjie wat jou irriteer en op wie se gat jy so ry)  As ek ‘n nuwe een koop sal dit onder dieselfde omstandighede buite staan… wat sou jy doen?

Dankie vir die inloer. Ek hoop daar is ‘n spesiale kopie net vir jou maar dat jy ten minste sal glimlag.

 

 

 

 

 

 

 

 

 

 

 

 

 

Vrydag Byskrifte

Soms is die wag voor my mond afwesig, maar omdat my glimlag mooi is, bly ek gewoonlik uit die moeilikheid. Gister gesels ek met ‘n vriend oor die dekselse belasting … hy vertel sy gestremdheid is ‘n belasting voordeel en ek wil terug kap met ‘n “lucky fish”… gelukkig spring die stukkie brein in. My gewone huishulp is op verlof en Rosina staan vir haar in. Rosina is die werker vir wie ons so paar jaar gelede ‘n nuwe gehoorapparaat gekoop het. Dit kan regtig nie maklik wees nie… mens gesels nie lekker met haar nie en dit maak haar sekerlik baie eensaam. Ons neem ons gesondheid en ons sintuie as vanselfsprekend.

Baie dankie vir die deelneem/inloer. Hoop jy het ‘n heerlike naweek en dat jy iets sal hê om oor te glimlag.

1

2

3

4

5

6

Sondag Kopies

Ek wonder al ‘n geruime tyd oor geheime. My lewe is regtig nie ingewikkeld nie en ek het geen behoefte om allerhande geheime te begin troetel nie. Selfs die president se bankstate is nou ‘n staatsgeheim. Waarom jou kaste sluit as jy niks het om weg te steek nie. Mense word siek en dan moet jy by ander hoor wat fout is. Jy moet tog asseblief nie vir hulle kinders vertel nie, want dan bekommer hulle… wel ek het nuus vir jou, hulle is in elk geval bekommerd en ook anders om. Ek is seker die laaste een wat my kan uitspreek oor huwelike, maar die ewige geheimhouding gaan my verstand te bowe. Was dit nog altyd so of raak die erger? Het ek dit net nie raakgesien nie? Is eerlikheid nie een van die hoofbeginsels waarvolgens mens moet lewe nie? Nou waarom al die geheime?

Dankie vir die inloer. Hoop jy kry ietsie vir jou wenslysie. Onthou ‘n lang week lê voor en jy moet altyd onthou om te glimlag.

 

 

 

 

 

 

Vrydag Byskrifte

Mens is nooit te oud om iets te leer nie en soms is dit pure hardkoppigheid as jy nie gou die les leer nie. Voor ek amper 6 jaar gelede hier op die Landgoed ingetrek het, het vir ‘n hele paar jaar op gawe Verimark kussing geslaap en dit selfs saam geneem as ek iewers moes oorslaap. Toe ek moes trek besluit ek om die kussing wat al pap geslaap was weg te doen… die grootste fout van my lewe. Elke liewe oggend is my kop seer, my oë is seer, my sinusse, oor, bloeddruk, hartkloppings, drome en selfs gloede kry die skuld. Ek koop kussings, dikkes, dunnes, goedkoper en duurder, maar vir 5 jaar is my kop seer en dik elke oggend. Teen die aand makeer ek niks. Moedeloos verduidelik ek vir my dr.  en sy verduidelik … daar is ‘n spier wat in jou oogholtes begin en oor jou kop tot in jou nek strek… sy druk my nek en sê my nekspiere is stokstyf… sug… oplossing. Koop ‘n spesiale kussing met ‘n ander digtheid en sy skryf ‘n ontspanningspilletjie voor. Sowaar dit werk! Ek kan nou nie wag om te gaan slaap nie. Nou ja genoeg van my klagtes.

Dankie vir die deelneem/inloer. Geniet die lang naweek en onthou om te glimlag.

1

2

3

4

5

6

Sondag Kopies

Dis so lieflike dag hier in die Bosveld dat beslis tyd is vir ‘n grappie of twee:

Ek hou nog steeds daarvan om die liefde van my lewe te bederf! As sy laat werk in die aand, dan bel sy my en sê sy is oppad! Dan tap ek lekker warm water met skuim solank in, sodat, as sy instap, sy dadelik kan begin om die skottelgoed te was. 

*****

 Koos en sy pel, Jan (wat oorsee studeer by Yale) besluit een naweek toe hy kom kuier om te gaan kamp. Hulle het by hulle oord gekom, lekker gebraai, ‘n paar doppe gedrink, die tent op geslaan en toe gaan slaap… 

Laat die aand maak Koos vir Jan wakker en vra: “Hoori Jan, wat sien jy?” Jan kyk op na die sterre en antwoord: “Wel, astrologies gesproke sê die sterre vir my dat die duiwel is in leo.. Teologies sê die sterre vir my dat dit omtrent 3am is en meteorologies sê die sterre vir my dat more ‘n mooi dag gaan wees.”

Hy kyk na Koos en vra: “Nou wat sien jy ou pel?” Koos: “Wel, prakties gesproke sê die sterre vir my… iemand het ons tent gesteel!”

*****

Drie seuntjies spog by die skool oor hul pa’s. Die eerste een sê: “My pa skryf ‘n paar woorde op ‘n stuk papier, en noem dit ‘n gedig en dan gee hulle hom sommer R500.”Die tweede seuntjie sê: “Dis nog niks nie. My pa skryf ‘n paar dinge op ‘n stuk papier, en hy noem dit ‘n lied – dan gee hulle hom sommer R1000.” Die derde seuntjie sê: “My pa is nog beter. Hy skryf ‘n paar woorde op ‘n stuk papier en noem dit ‘n preek. En dan vat dit agt manne om al die geld bymekaar te maak!!”

Dankie vir die inloer. Ek hoop daar is iets vir jou wenslysie, maar boweal dat daar iets is om oor te glimlag.

 

 

 

 

 

 

 

 

 

Vrydag Byskrifte

Vanoggend lees ek ‘n lieflike huldeblyk aan een van ons medebloggers en kry sommer ‘n warm gevoel om my hart. Ja, bloggers is gewone mense met hulle eie geite en tekortkominge, maar die meeste het my lewe op ‘n besondere wyse aangeraak.  Van my blogvriende kom al van 2005 toe ek by Mweb begin blog het. Ek word nou nog koud as ek besef hoe arrogant en voortvarend ek was. Bloggers het my egter aanvaar soos ek is. Op Mweb het ek geleer om boelies dood te swyg. Hoe meer aandag jy aan hulle gee, hoe lekkerder kry hulle. Die meeste van julle weet wat op Litnet gebeur het, waar ignoreer nie altyd gewerk het nie. Ek het ongelooflike respek en dankbaarheid vir die bloggers wat daardie tyd vir my opgestaan het… dit sal ek vir altyd onthou.  Dankie vir almal wat in die verlede en selfs nou nog my lewe op ‘n spesiale manier aanraak. Julle is baie spesiaal.

Dankie vir die deelneem/inloer.  Hoop jy het ‘n wonderlike naweek en moenie vergeet om te glimlag nie.

1

2

3

4

5

6