Sondag Kopies

Daar is darem wonderlike uitvindings wat ons lewens soveel makliker maak. Hier op die Landgoed word daar baie gepraat oor ‘Die goeie ou dae’, maar as ek dink watter lekker goed mens met jou selfoon, rekenaar en allerhande elektroniese goed doen, is ek baie dankbaar. Vanoggend het ‘n lekker lang geselsie met my sus in NZ gehad en dit het nie ‘n sent gekos nie. As mens aan die posdiens dink en al die outydse kommunikasiemiddele dink, was die kontak onmoontlik.   As ek aan my gunsteling speletjie dink wat elke Donderdag ‘n nuwe uitdaging uitgee, glimlag ek breed. Ek kry soveel plesier uit die nuwe goeters dat ek nie dit in woorde kan oordra nie. Die lewe is goed en lekker!

Dankie vir die inloer. Ek hoop daar is ietsie vir jou wenslysie en dat jy sal aanhou glimlag.

 

 

 

 

Vrydag Byskrifte

Verlede week het ek die byskrifte laat oorstaan uit respek vir Goeie Vrydag. Ek het ook nie veel te vertelle nie en daarom so paar grappies om te help met die glimlag.

***

Twee pelle sit vroeg oggend langs die viswaters.
Dis nog donker en die manne kan nie lekker sien wat hulle doen nie.
Die een ou vra: “Het jy al ingegooi?”
Die ander ou sê: “Nee, ek soek nog die glase!”

***

Pieter: “Jan, het jy gehoor Koos het geval uit ’n boom wat 30 meter hoog is?”

Jan: “Nee. Hy lê seker nou in die hospitaal?”

Pieter: “Nee. Hy het net ’n meter hoog geklim toe sy voet gly en hy val.”

***

’n Dominee soek vergeefs parkeerplek, raak haastig en parkeer toe maar op ’n rooi streep. Hy sit ’n briefie op sy ruit: “Ek het 10 keer om die blok gery. As ek nie hier parkeer nie, gaan ek laat wees vir my afspraak – ‘vergewe ons ons sondes’”.

Toe hy terugkom, kry hy ’n boetekaartjie op sy voorruit met ‘n briefie van die verkeersbeampte. “Ek ry al 10 jaar om hierdie blok. As ek nie vir u ’n kaartjie gee nie, gaan ek my werk verloor. ‘Lei ons nie in die versoeking nie’”.

Dankie vir die inloer/deelneem. Hoop jy het ‘n heerlike naweek.

1

2

3

4

5

6

Sondag Kopies

Ek het altyd baie dapper beweer:  ‘Élke kind is genoeg werd om onthou te word.’ Hoe ouer ek word hoe meer besef ek dis nie heeltemal moontlik nie.  Baie kinders waarvoor ek skool gehou het, hoor mens nooit meer van nie en het al hulle laerskool onderwysers vergeet. Ek probeer om die wat op fb vriende van my is darem geluk te wens met hulle verjaarsdae en bietjie op hulle profiele te loer wat hulle alles aanvang.  Tog is daar baie wat mens mis en tog vergeet. Gesigte en liggame verander en selfs name verander… en ek vergeet skandelik… sug.

Dankie vir die inloer. Ek hoop jy kry ietsie vir jou wenslysie en dat jy sal glimlag. Geniet jou lang naweek. Warm bly.

 

 

Sondag Kopies

Ek is nie ‘n fanatiese sportondersteuner nie, hoewel ek ‘n paar jaar gelede ‘n paar Dream Teams gehad het vir krieket, motorsport en fietsry.  Dit het egter getaan en nou stel ek belang in uitslae, maar kyk amper nooit. Die naweek het ek egter die Blitzbokke in die Singapoertoernooi gevolg en dit baie geniet. Hulle het my nie teleurgestel nie en ons sal sien wat hulle in die finaal doen. Watter sport volg jy… hoe belangrik is dit?

Dankie vir die inloer  en ek hoop daar iets vir jou wenslysie en iets om oor te glimlag. Ek hoop jy het ‘n lekker week.

 

 

Ek dink ek het die roller al geplaas… kan nie onthou… jammer as jy dit al gesien het.

Vrydag Byskrifte

Oooooo dis regte pannekoek weer hier. Dit reën kort-kort saggies.

Ek kan my soms so verwonder aan mense wat hulleself nie kan besig hou nie. Dis regtig ‘n ding wat ouers aan kinders moet leer. Daar is werklik in hierdie oorlaaide wêreld mense wat gewoon nie alleen kan wees nie en opkreukel van eensaamheid as daar nie ander mense rondom hulle is nie. Eish… ek dink ook wat my die meeste irriteer is dat hulle dan vir my wil gebruik in daardie rol.  🙂  Grinnik, en Donderdae wanneer my game opgradeer en ek nie kan wag om te kyk wat hulle uitgedink het… sug… so verskoon my asseblief, ek kan vir jou ‘n mooi boek leen of kyk bietjie die nuwe reeks op catch up .

Dankie vir die inloer/deelneem.  Ek is nuuskierig wat jy oor vandag se keuse sal sê want ek gooi so effense wilde een in.  Lekker naweek.

1

2

3

4

5

6

Sondag Kopies

Ons het gister heerlike reën gehad en vandag kan mens voel die winter is beslis aan die kom. Ek het nie veel te sê nie en laat jou met ‘n paar grappies:

Twee tantes sit en gesels buite die stadsaal waar ’n blommeskou aan die gang is.“Die lewe is so vervelig”, sê Miemie. “As jy my R50 gee, sal ek my klere uittrek en kaal deur die blommeskou nael.”

:Ek dare jou”, hits Sannie haar aan en haal die R50-noot uit haar sak. Miemie voeg die daad by die woord en nael poedelnakend deur die saal. Buite hoor Sannie ’n groot lawaai, gevolg deur luide applous. Eindelik kom Miemie weer te voorskyn en glimlag van oor tot oor. “Wat het gebeur?” vra Sannie.

“Ek het R2000 gewen vir die beste droë rangskikking.”

***

Twee ouens praat oor hulle vrouens se eienaardighede. Die een ou sê: “Ek kan net nie my vrou laat afsien van die gewoonte om tot vyfuur soggens wakker te bly nie.”

Die ander ou vra: “Nou wat doen sy die hele nag?”

Nommer een sê: “Sy wag vir my om huis toe te kom.”

***

V: Wat is ’n staatsubsidie?

A: Om ’n bietjie van jou eie geld terug te kry.

***

Dankie vir die inloer Ek hoop daar is iets vir jou wenslysie. Lekker week en onthou om te glimlag.

Ek het al die een geplaas maar iemand soek dalk vrede

Vrydag Byskrifte

Dis vandag ons blogvriendin se begrafnis… die wêreld is boos en deurmekaar… daarom is dit beter om maar stil te wees.

Dankie vir die inloer/deelneem. Ek hoop jy het ‘n mooi naweek.

1

2

3

4

5

6