Sondag Kopies

Ek glo dat mens moet spaar, maar sommige besparings is darem oordrewe en kan mens net sowel in die bosse in ‘n tent gaan woon. Met gister se omgewingspraatjies beveel die Prof aan dat jy snags jou muurproppe sal afsit. Ek sal my voortande verwed dat die geagte Prof  nie haar proppe afsit nie. Ek het ook nie met aarde-uur die krag afgesit nie Beurtkrag maak mens minder toegewend.

Wat wel interessant is, is die lys van artikels wat die meeste krag gebruik. Laat mens met ander oë na jou ketel kyk!

Dankie vir die inloer en ek hoop daar is ietsie vir jou wenslysie en dat jy ten minste sal glimlag.

 

 

Vrydag Byskrifte

Ek het al hieroor geskryf, maar mense het nie vir my antwoorde nie.

Mans is wonderlike interessante goed, hulle het die Voortrekker vroue geïnspireer om kaalvoet oor die Drakensberge te trek. Hulle het ook ‘n leeue-aandeel gehad in die verandering van die Nederlandse taal om by die chaos van Afrika te pas. As Pappie gepraat het, het almal gespring.

Tog het hulle die bal op meer as een plek as die rugbyveld laat val. Taal is vir my interessant … daarom verskoon my as jy weer die moet lees:

Bokke  –  Twee spene    –   Lammers   –  Ramme, ooie

Beeste – Vier spene    –  Kalwers    – Versies, Bulletjies

Mense  – Twee spene   – Kinders  – Seuntjies Dogtertjies  – genoem Bulletjie, Rammetjies (maar nie versies of ooitjies nie… Sug) En om iemand ‘n koei te noem is onaanvaarbaar? Tog is ‘n Bul ‘n kompliment?

Toe val die bal nog ‘n keer.

Njala  – (bok = 2 spene) – Lammers mmmmaaaarrrr Njala bul ? Wat beteken die  Njala moet  kalwers EN lammers kry?  Wanneer word die lam dus ‘n kalf?  ‘n Koedoe het twee spene soos ‘n bok … dit lyk soos ‘n bok, maar dit is koeie en bulle wat kalwers kry. Moet asb. nie vir my vertel dit gaan oor grootte nie, want die minie beeste wat so groot soos ‘n bok is, word nie bokke genoem nie. Geen wonder Marelize weet beter waar die pale is as die Bulls.

Dankie vir die deelneem/inloer. Geniet jou naweek maar onthou om te glimlag.

1

2

3

4

5

6

Totsiens …

Hide me under the shadow of your wings.

My hart is seer oor die dood van ons vriendin en medeblogger – Losbek. Sy was die herder van die gr. 3 skapies en het ons vermaak met hulle wedervaringe. Dankie, Carol dat jy ons lewens so spesiaal aangeraak het. Mag jy vrede hê.

Tot ons weer ontmoet.

Toeval… miskien…

Maandae is my en my 92jarige buurvrou se inkopiedag. Gister is die eerste begonias van die seisoen in PnP en ek koop ‘n helder gele. Ek laat dit altyd in ‘n sak sit, omdat ons ons eie pakkies na ons woonstelle moet dra. Omdat ek lui is, loop ek nie graag 2 keer nie. Ek gryp die plant net by een handvatsels en lig die sakke met ‘n gekreun op die werkblad en sak met ‘n sug op my stoel neer. Ek hoor ‘n geritsel en roep “Emily…EMILY…” geen antwoord. Ons stap gesels-gesels eetsaal toe en na ete maak ek my tuis vir die 1uur nuus en middagslapie … weer ‘n geritsel. Ek vlieg op en daar sowaar spartel iets in die sak met begonias. EEEEK,MUIS dink ek! Toe besef ek nee, dis ‘n voëltjie. Nog nooit het dit met my gebeur. Met ek gesukkel laat ek die voëltjie (vinkie) vry.

Vanoggend loop ek die hele tyd met ‘n knop in die keel toe ‘n oud-leerder my tag die volgende gedig:

She was a little tiny bird
Catch in a cage of manupilation voltage high,
A love non believable high…
No escape for a tiny bird.

As years passed the strangelation got worst..
The cage became too small..
Her wings undermained to fly.
No one heard the crying of the little bird’s tears…

She was a strong little bird,
Locked up in a tiny little cage,
Freedom without really freedom
If you don’t know..this wouldn’t make any sense..??

Suddenly after many years,
Not without tears the little bird’s cage went open,
Suddenly the little bird whished the cage keeper was still there..
To protect from the outside world.

She was a little tiny bird…
Heart made of love
Dreàming to be free,
No wings to fly…

Will it ever make sense?

The little tiny bird,
With no wings to fly,
Always dreaming to be free,
Once the gate keeper was set free…

Suddenly it all made sense

Is ons nie maar almal vasgevang in ons eie hokke nie…

Sondag Kopies

Dis interessant hoe mense verskil. As ‘n mens ouer word, word sekere kenmerke net sterker. As jy as jonger mens ‘n swak waaghouding gehad het, waag jy later glad nie meer nie. As jy altyd gekla en gekerm het, kerm en kla jy net altyd meer en meer. Die ander kant as jy ‘n positiewe vrolike mens was, versterk daardie eienskappe ook. Mense verander nie sommer nie. Hoewel ek nie eintlik mense doen nie, is dit lekker om mense se reaksies dop te hou. Soms met deernis, maar ander keer met groot irritasie en afgryse, dan besef mens elke keer weer dat jy wel deeglik eers voor jy eie deur moet vee voor jy ander kritiseer.

Dankie vir die inloer. Ek hoop daar is ietsie vir jou op die lysie die week, maar dat jy bowe al sal weggaan met ‘n glimlag.

 

 

Vrydag Byskrifte

Na verlede week gewaagde prentjies sal ek maar ‘n paar maande my stemmig moet gedra. Dis interessant dat mens de brein dinge soms erger of skunniger voorstel, terwyl daar ook ‘n baie logiese voorstelling is. Dis net soos mense wat van jou woorde gevolgtrekkings maak, en dit dan as  hulle waarheid voorstel, terwyl jy heel iets anders bedoel het. My mond en humorsin het my al in die moeilikheid gekry. Gewoonlik kan ek darem die skade beperk en weet ek waarom en wanneer ek my mond moet hou.

Dankie vir die inloer/deelneem. Jy kikker my lewe op. Lekker naweek!

1

2

3

4

5

6

Sondag kopies

Na Vrydag se skunnige inskrywing en die beurtkrag is ek maar stillerig.  Jammer, as die inskrywing aanstoot gegee het, maar daar is so stouterige deeltjie in my persoonlikheid. Ek sal my nou weer vir ‘n rukkie baie stemmig gedra. Hier in my dorp het iemand die plot verloor met die beurtkrag, want hulle volg nie die skedule nie. Ek kry die kleiner besighede baie jammer, want hulle verloor baie geld. Ek kan nie verstaan waarom instansies nie beter beplan nie.

Dankie vir die inloer. Ek hoop daar is ietsie vir jou wenslysie en dat jy darem sal glimlag ook! Geniet jou nuwe week.

Vrydag Byskrifte (Nie vir sensitiewe kykers/lesers)

Vandat ek afgetree het, kyk ek baie tv. My smaak het effens verander van aksie na ‘n lekker drama. Sug… tog is daar regtig heelwat teleurstellings. Manifest was so lekker spannend tot die laaste episode waar die draaiboekskrywer die plot verloor het en dit teleurstellend ongeloofwaardig geëindig het… ja, ek weet hulle wil ruimte laat vir nog ‘n reeks maar   – Regtig!  O tyd, en moenie praat van die sepies nie… so veel aandag aan negatiewe goed het nog nie beleef nie. Wat het geword van skoon vrolike gesinsvermaak? Nee, die bose gemene mense word by ons kele afgedruk.

Wag terug na die opdrag. Ek het bietjie ‘n uitdaging vandag. Vat maar verby as dit te erg is vir jou. Geniet die naweek …en die vroeë vakansie.

1

2

3

4

5

6

Sondag Kopies

Ek lees nou die dag dat ‘n mens deur die nag die hele tyd drome droom en dat jy net sekeres onthou. Ek is egter elke nag die hele tyd bewus dat ek droom en daar is nie tye (soos toe ek jonger was) wat ek so diep slaap onbewus van die drome nie. Ek wonder of dit die kwaliteit van my slaap beïnvloed? Elke middag kan ek nie wag vir ‘n middagslapie nie – dan slaap ek vir nie meer as ‘n halfuur nie en droom ook. Droom jy ook so baie of net soms?

Dankie vir jou inloer. Ek hoop daar is ietsie vir jou maar dat jy darem sal glimlag.

Vrydag Byskrifte

Alhoewel dit nie so lyk nie, doen ek nie regtig goed met grappies nie. Gewoonlik verstaan ek dit nie of dis gewoon nie vir my snaaks nie. Politieke grappies laat my gewoonlik skepties of gewoon geïrriteerd. Maar dan stuur iemand vir jou ‘n grappie wat regtig snaaks is. Ek kry vanoggend die grappie:

Long, long ago Moses said to Israel: “Take up your shovels, mount your belongings on your asses and camels, I will lead you to the Promised Land!!!”

5000 years later Cosatu says: “Lay down your shovels, sit on your asses, light a camel, this is the Promised Land!!!”

Now in 2019 th ANC has stolen the shovels, eaten the asses, raised the price of camels and take over die Promised Land!!!

Ek grinnik al die hele oggend. Dankie vir die deelneem/inloer. Lekker naweek en ek hoop jy bly glimlag.

1

2

3

4

5

6