Sondag Kopies

Met die matriekuitslae op hande is die onderwerp op die middagkoffiestoep natuurlik die onderwys. Hoewel ons baie bekommerd is oor die stand van die onderwys, het ek die gesê dat vandag se jong mense ‘n paar voordele het: Hulle bevraagteken dinge meer, hulle is nie meer so skaam nie en hulle dink nie meer hulle ouers is mense sonder foute nie.  Met ‘n 30% vir slaag is hierdie eienskappe waarmee baie vir hulle ‘n aanvaarbare plek in die samelewing moet kry.

Dankie vir die inloer. Ek hoop daar is ietsie op jou wenslysie hier te sien, maar boweal jy ten minste sal glimlag.

Vrydag Byskrifte

Ek sukkel nog met my rekenaar.  Sal volgende jaar dadelik ‘n nuwe IT-man moet kry. EN (skuus Lou) as dit nie regkom, dalk \n nuwe rekenaar.

Dankie vir die inloer/deelneem. Ek hoop jy het’n heerlike naweek.

1

2

3

4

5

6

 

 

Sondag Kopies

Eish … dis darem wonderlik dat elektroniese ware net wag tot dit naweek of vakansiedae is voordat dit probleme gee. Dit frustreer my dat ek lus het om my polse af te knaag. Ek sukkel met my anti-virus-program en weet net genoeg om gevaarlik te wees… SUG… en sal maar na die feesdae ‘n kenner moet kry … Ek sit my rekenaar nooit meer af nie en hy ‘sleep’nou saam met my.

Dankie vir jou inloer. Ek hoop jy het wonderlike Feesdae en dat jy sal onthou om te glimlag.

Sondag Kopies

Enige verhouding kom van twee kante. Beide kante moet inkoop om dit in stand te hou. Vandat ek op die Landgoed bly het ek nou baie te doen met grootouers, kleinkinders en kinders. Die hartseer is dat baie van die grootouers kla dat die kinders nie bel nie of hulle hoor niks van hulle kinders/kleinkinders nie, maar hulle kontak van hulle kant af nie hulle kinders nie. Dit gaan nie oor iemand iets nodig het nie, maar net ‘n oproep om te hoor hoe dit gaan… die verskoning van die kinders wat baie besig is gaan nie op nie. As daar in die media so ‘n bohaai gemaak word oor eensame (ou)mense, sug ek diep en ongeduldig… dit saak het twee kante!

Hoop daar iets vir die wenslysie en dat jy tenminste sal glimlag.

 

 

Vrydag Byskrifte

Jy moet darem saamstem dat in vandag se dae wat ons oor alles en almal kerm en kla,  is daar darem maatskappye wat uitsondelike diens lewer. Independent Lifestyle Company is een van hulle. Hulle verkoop allerhande goed wat die lewe vir ouer mense makliker maak. Verlede week vra ek vir hulle ‘n nuwe katalogus en ‘n dag later lewer hulle ‘n stapeltjie by die landgoed af.  Ek bestel ‘n item Sondag. Maandag kry ek ‘n epos met ‘n nommer en gistermiddag lewer hulle die items af. Sulke diens maak my kinderlik gelukkig. Wens mens kan dit van alle veskaffers sê.

Dankie vir die inloer/deelneem. Vandag doen ek ‘n Kersfees tema en sien uit na jou reaksie. Hoop jy sal ten minste glimlag. Lekker naweek!

1

2

3

4

5

6

 

Sondag Kopies

Dis interessant hoe akteurs en sangers nie ouer word in jou kop nie. Ek het my altyd verbaas hoe my ouers gaande was oor hierdie stokou mense, terwyl daar sulke oulike jonges is. Nou is ek in dieselfde posisie.

As jong student was die Breytenbach teater ‘n klipgooi van my koshuis af en daar het my liefde vir teater begin. Ek onthou nog soos gister vir Cobus Rossouw in Nag van Legio en hoe Katinka Heyns en Marius Weyers hand aan hand in Pase op die verhoog gekom het. Sandra Prinsloo, Athol Fugard Jamie Uys en nog talle meer…sug… nou is hulle almal ou mense!  Ok… my lyf is oud en moeg, maar my kop is nog soos jonk soos die akteurs – 60 jaar gelede.

Genoeg oor my, ek hoop jy kry ietsie vir jou wenslysie en indien nie hoop ek darem dat jy sal glimlag! Hoop jy het ‘n wonderlike week.

Vrydag Byskrifte

Hier dit hondwarm en honddroog en daarom is daar nie veel om te vertel nie. Ek wil liewer vir jou met ‘n grappie laat sodat jy kan glimlag!

‘n Vrou kom skaam-skaam by die dokter aan.

Dokter: “Waarmee kan ek help, Mevrou?”

Vrou: ” ‘n By het my gesteek.”

Dokter: “Waar het die by u gesteek?”

Vrou: “Ek wil liewer nie sê nie.”

Dokter: “Maar ek kan u nie behandel as ek nie weet waar die by u gesteek het nie.”

Vrou: “Ek kan nie sê nie. Die skande is te groot. Niemand wat dit te hore kom, sal ooit weer met my wil vriende wees nie. O, ek wens ek was dood…”

Dokter (streng): “Mevrou, ons dokters kry elke dag met allerlei snaakse dinge te doen. Buitendien is ons gebind tot streng professionele etiket om geen besonderhede oor pasiënte bekend te maak nie.”

Vrou: “Belowe u om vir niemand te sê nie?”

Dokter: “Ja, ek belowe op my erewoord. Sê nou vir my waar het die by u gesteek.”

Vrou (skaam): “In die Spur.”

Dankie vir die inloer/deelneem. Ek hoop jy het ‘n heerlike naweek en as ek nog nie gereeld by jou blog uitkom byt net vas, alles is ESKOM se skuld!

1

2

3

4

5

6

Ek het regtig gedink dat Eskom sommer net dreig met beurtkrag. Verlede keer het hulle dik trane gehuil oor die steenkool glo nat was en binne ‘n week terwyl dit nog gereën het, het steenkool gedroog en beurtkrag was verby. Eish… toe nie … Vrydag is ek nog in die middel van iets en woeps is die krag. af. Ek het regtig nie lus vir die speletjie nie. Hulle het my dorp se areas verander en vir twee dae is die onderbrekening onverwags. Nee, regtig dit voel na afpersing. Besef hulle nie dat dit nie goed is vir enige poltieke party nie.

DIT MAAK my baie ONVERGENOEGD!!!

Dankie vir jou inloer. Ek hoop daar is iets op die lysie na jou smaak, maar dat jy beslis sal glimlag.