Sondag Kopies

Toe ek amper 5 jaar gelede hier op die Landgoed ingetrek het, was dit soos die Voortrekkervroue wat kaalvoet oor die Drakensberge getrek het. Ek het graag oor die gebeure getjommel, omdat dit snaaks was en dit ‘n lewe wat onbekend aan my was. Nou het dinge so verander dat as daar iets gebeur wat snaaks is, ek nog glimlag maar ek dit uit respek nie meer deel nie, want dit is nou MY mense. My stories vul my met deernis en soms hartseer, omdat ek weet dis dalk die persoon se laaste storie. Van ons 6 mense wat in Desember 2013 ingetrek het, is daar reeds 3 oorlede. My hele uitkyk oor doodgaan het verander. Die besluit om hier te kom woon was die heel beste van my lewe en vul my met groot dankbaarheid.

Dankie vir die inloer. Ek hoop jy kry sommer ‘n hele paar dinge vir jou wenslysie, maar dat jy darem ook sal glimlag.

 

Vrydag Byskrifte

Sondag se grappie het nogal aftrek gekry dat ek maar nog een/twee aanbied. Hier op die Landgoed is daar nie nuus nie en ek sien uit na jou inloer!

Die oggend met ontbyt kla die een tante van die ouetehuis dat sy nie ‘n oog kon toemaak nie omdat ‘n jong man die hele nag aan haar deur bly hamer het. “Hoekom het jy nie die deur vir hom oopgemaak nie?” vra haar vriendin. “Is jy mal? Dan sou hy mos uitgegaan het!”

Nog een:

Vier ou tannies ry op die hoofweg teen 22km/h. Die spietkop keer hulle voor. ‘Tannie, hoekom ry jy so stadig?’ ‘Man die padteken sê dan R22.’

Spietkop verduidelik dat dit die padnommers is. Die ander drie tannies sit tjoepstil, windverwaaid en spierwit. ‘Tannie, wat gaan aan met hulle?’

‘Moet nie worry nie, hulle sal nou regkom… Ons kom nounet van die R365 af!’

Dankie vir die inloer/deelneem. Hoop jy het ‘n heerlike naweek. Warm bly!

1

2

3

4

5

6

Sondag Kopies

Vandag het ek nie veel op die hart nie en deel daarom ‘n grappie:

Die Tannie is n getroue kerkganger.Haar plek is nooit leeg nie. Van die oom kan nie dieselfde gesê word nie,maar almal het dit lankal aanvaar. Op n dag begin die tannie by die kerk opdaag met n Kardoesie in die hand.Sy sit dit sorgvuldig langs haar neer op die bank en neem dit weer saam huistoe.

Teen die vierde agtereen volgende Sondag kon die Dominee sy nuuskierigheid nie meer bedwing nie. Wat is die storie van die Kardoesie wat tannie deesdae so getrou kerk toe bring.wil hy by haar weet. Dominee, antwoord sy. Die saak staan so.

As ek Sondae van die kerk kom wil die Oom eet, daarom sit ek al die kos op stadige hitte op die stoof voor ek hierheen kom. Ek het dit al so verfyn dat alles net mooi reg is teen die tyd dat as ons moet aansit….
Maar toe begin die Oom met n nuwe laai.Hy eet al die Die lekker stukkies vleis op terwyl ek nog in die kerk is.

NOU BRING EK MAAR SY TANDE SAAM KERK TOE.

Dankie vir die inloer. Ek hoop daar is darem iets om oor te glimlag en iets moois vir jou wenslysie.

 

 

 

Vrydag Byskrifte

In hierdie dae(eish … taalonderwyser?) waar ons so kerm en kla, word ons soms uit ons sokkies uit verras! Tinatjie het in haar ouderdom haar pensioen belasting IPR5 sertifikaat gebêre op ‘n onvindbare plek. Ek was nogal verbaas dat ons dit so vroeg gekry het die jaar. Ek besluit toe om liewer ‘n epos te stuur, maar hou nie my asem op om binne die beloofde 7 werksdae ‘n antwoord te kry nie. Dag 7 kom en gaan, maar op dag 8 kom die antwoord met die sertifikaat aangeheg met ‘n verskoning omdat dit laat is. Dit maak my hart warm dat mense nog hulle werk doen.

‘n Ander instansie wat my elke keer verras is die Mediese Fonds. Goed, jy kan redeneer dat hulle betaal word daarvoor, maar as ek die administrasie moes doen sou dit nooit so deeglik gewees het nie. Hulle betaal elke rekening binne 14dae vandat hulle dit ontvang en stuur dadelik aan my ‘n duidelike staat in Afrikaans. Dis so lekker gerusstellend en laat ‘n mens voel asof nie alles in ons land verlore gaan nie.

Dankie vir die inloer/deelneem. Ek hoop jy het ‘n heerlike naweek. Jy moet warm bly want die koue kan enige mens se brein laat krimp!

1

2

3

4

5

6

Help

Dra mekaar se laste …

Galasiërs 6:2

Sondag Kopies

Die maak van enige TV-program het seker sy eie eise en ek is alle opsigte net ‘n leek. Tog wonder ek waarom hulle veral kompetisies so tot die uiterste uitrek en dan die laaste episode so afskeep. Dit skep so ‘n antiklimaks. Ek kyk die naweek die laaste episodes van My Kitchen Rules en is regtig teleurgesteld. Hulle kon net sowel net die wenner aangekondig het. Dit was regtig net ‘n getjommel en die geveg tussen die deelnemers was regtig onsmaaklik. Nee wat, dit laat mens wonder of mens die volgende reeks ook moet kyk.

Dankie vir die inloer. Hoop daar is vandag iets vir jou wenslysie. Tog hoop ek dat jy ten minste sal glimlag.

 

 

Vrydag die 13e Byskrifte!

Ek kom die afgelope tyd agter dat ek al hoe meer plastiek gebruik. Dit irriteer my, want ek glo dat hierdie plastiek baie nadelig is vir die omgewing. Vandag kry ek met ‘n ander insig by Bargain Books te doen. Hulle gee/verkoop glad nie meer plastieksakke nie. Jy kan egter ‘n lapsak vir R20 koop… eish…ek doen nie so goed met lapsakke nie, want of ek vergeet hulle by die huis of in die kar. Dan vererg ek my vreeslik as ek 6 sakke bring en ek gebruik net 2…SUG… nee wat mens kan net nie wen nie. Kom vertel my bietjie hoe bestuur jy jou plastiek in jou lewe.

Baie dankie vir jou inloer/deelneem. Ek lees nog nie blogs nie en waardeer dus jou besoek meer as wat jy kan besef! Hoop jy het ‘n heerlike naweek en onthou tog om te glimlag.

1

2

3

4

5

6

 

Sondag Kopies

My keel trek sommer toe as ek aan die kinders in die grot dink. Kan jy jou indink as dit jy sou wees… nee, dit sou nooit ek gewees het nie – my avontuurlus is uiters beperk. Selfs erger as dit jou kind was. Ek wonder net hoe op aarde hulle so sukkel … wat van ‘n klein duikboot of kapsule? Mens wat wonderlike dinge in die ruimte doen. is so beperk onder die water/aarde? Ek hoop regtig van harte dat die uitkoms positief sal wees. As dit my kind was, sou hy vir die res van my lewe moes tuis bly!

Dankie vir die inloer. Ek hoop daar is ietsie vir jou wenslysie vandag. Behalwe dit hoop ek dat jy sal glimlag.

 

 

 

Vrydag Byskrifte

In vandag se lewe het ‘eerlikheid’ ‘n heel ander betekenis. Oneerlikheid maak ons skepties en bitter.  Ons vertrou nie meer mense nie en glo nie meer so maklik dat ander eerlik is. Ons wantrou ander en dit steel van ons lewensvreugde.  Nou die dag betaal ek R60  te min vir ‘n artikel in ‘n winkel en besluit om dit ‘n week later terug te gaan gee,.. Grinnik… die gesiggies van die twee dametjies in die winkel het my eindelose plesier verskaf Ek moes in diepte verduidelik en het later my hande in die lug gegooi met “Wil julle die R60 nou hê of nie?”  “Nee dankie” reken hulle – seker omdat hulle dit nie kon verantwoord nie. Waar gaan die mensdom heen.

Dankie vir die inloer/deelneem. Geniet jy naweek en moenie vergeet om te glimlag nie.

1

2

3

4

5

6

 

Sondag Kopies

Ek en my buurvrou(91) gesels graag oor goed uit die verlede waarvan ons baie gehou het. En (skuus Lou) vanoggend plaas ‘n gamevriend die vraag: Wat was jou eerste kar? Ek het heel eerste ‘n rooi Mazda 323(?) gery en nie geleer dar rooi karre verbleik en dat elke krappie duidelik gesien kan word. Later koop ek toe sowaar ‘n rooi Alfa – nou weet ek dit darem.

Onthou bietjie saam met ons:

Roomyskarretjies

Macrame

Touspring , rekspring en klimtolle, swing ball

Soekie, Saartjie, Patrys, Maasdorp en nog baie meer.

Sug… ai toggie daar is so baie. Dankie vir die inloer. Hoop jy sien iets waarvan jy hou, maar dat jy ten minste sal glimlag.