Vrydag Byskrifte

Ek wou vandag weer bitterlik gekerm het oor oneerlike mense wat huil as hulle uitgevang word, maar gedagtig aan die betekenis van die dag sou dit beslis onvanpas gewees het. Daarom wil ek vertel hoe lekker dit is om af te tree en hoe lekker mens hier op die Landgoed woon. Almal doen hulle uiterste om die inwoners se lewe makliker te maak. Die lekkerste is (ek het dit al vertel) om smiddae aan tafel te gaan sit, lekker te eet en nadat die poedinglepel neergesit is, op te staan die personeel te bedank en huis toe te gaan. Vandag se paaseier wat deur die plaaslike motorfietsklub afgelaai is, het die dag spesiaal opgekikker… nadat ons die eiers se verpakkings vergelyk het, is ons vrolik huis toe. Ek het nooit kon dink dat ek eierverpakkings sou bestudeer nie.  Die lewe is interessant…

Dankie vir die deelneem/inloer. Ek hoop jy het in die gees van die betekenis van die naweek, ‘n wonderlike naweek

1

2

3

4

5

6

 

Weekly Photo Challenge: Rise/Set

 

Keep looking up! I learn from the past, dream about the future and look up. There’s nothing like a beautiful sunset to end a healthy day.

Rachel Boston

via Photo Challenge: Rise/Set

Sondag Kopies

Die hele krieketdebakel maak my so moedeloos. Dit haal sowaar vir my al die pret uit sport uit. Waar is die regverdige kompetisie  dan, watter pret is daar in om te wen as jy verneuk het. Watter voorbeeld stel jy vir jou kinders? Moet ons kinders leer dat hulle ten alle koste moet wen, al werk dit nie so in die lewe nie?

Ag miskien kikker die kopies ons op. Hoop daar is iets vir jou wenslysie en dat jy tenminste sal glimlag. Dankie vir die inloer.

Hergebruik en spaar!

Plak teen toiletmuur as die gaste nie baie welkom is nie

 

 

 

 

 

Vrydag Byskrifte

Dis weer griepinspuitingtyd.  Daar is baie argumente vir en teen. Toe ek skoolgehou het, het ek die laaste jare altyd die inspuiting geneem, maar altyd siek geword.  Met al die snotneusies is dit ook nie vreemd nie. Dan het jy jou siek liggaam skool toe gesleep en vir volk en vaderland maar vasgebyt. Hier op die Landgoed het ek gedink dat mens met al die kwesbare mense maklik siek sal word en doen dus gereeld die inspuiting ding, maar het nog nooit hier siek geword nie… ek weet nou nie eintlik wat dit beteken nie, maar wonder wat jy van die inspuiting dink?

Hoop jy het ‘n heerlike (nat) naweek. Dankie vir die inloer/deelneem.

1

2

3

4

5

6

 

Sondag Kopies

Soms kan Eenoog in die Land van die Blindes nog minder sien as die blindes. En (Jammer Lou) soms soek mens iets wat jy nie weet wat jy regtig soek nie. Ongelukkig kos al die aksies geld en as jy nie meer ‘n fondsinsameling kan organiseer nie, is jou hande afgekap… Goed, dit klink deurmekaar. Ouers mense hoor en sien nie meer so goed nie en ek wil iets “koop”(met geld wat ek nie het nie) wat die besoekende predikante en sprekers meer hoorbaar sal maak. Het jy dalk ‘n plan, want ek weet nie wat om te soek nie … mikrofoon, klankstelsel, luidspreker … of wat?

Dankie vir die inloer. Ek hoop jy kry iets na jou sin maar dat jy tenminste sal glimlag.

Una hier is die beloofde potte… mooi nê.

Vrydag Byskrifte

Dis die lekkerste lekker om in die middag na die eetsaal te loop en vol verwagting in die bakke te loer na die heerlike kos. Dan skep jy in – so ietsie ekstra van dit waarvan jy baie hou en jy vat verby die pampoen. Dan sit jy heerlike en smul aan die kos. As jy klaar is word jou bord weggeneem en daar word vriendelik gevra of jy poeding wil hê. As jy en jou tafelgenote klaar is, bedank jy die personeel en los hulle met die hope skottelgoed. Soms voel jy baie skuldig as jy dink aan die mense wat nie kos het om te eet, maar jou hart word gevul met groot dankbaarheid.

Dankie vir jou deelneem/inloer. Ek hoop jy het ‘n heerlike naweek.

1

2

3

4

5

6

 

Sondag Kopies

Mmmmmm ek wonder darem oor die weerburo. Stuur hulle verskillende voorspellings na verskillende plekke of ontvang die nuusstasies dit op verskillende tye.  Gister was dit bv. ‘n bewolkte koel dag hier (ek het my wintersjapon al aangehad) tog het hulle ‘n warm dag voorspel.  Die nag was beslis nie 18grade nie … sug … mens kan net nie wen nie. Tog wens ek dat ons nog reën voor die winter kan kry.

Dankie vir die inloer. Ek hoop daar is iets wat jou oog vang maar dat jy tenminste sal glimlag

Nee jy mag nie net die geld kies nie!  🙂

 

Vrydag Byskrifte

Ek moet eerlik sê ek verstaan nie die lewe nie. Mens het altyd geleer dat “Elke hond kry sy dag”,  “Die wiel draai stadig maar seker”,  en “Geregtigheid sal altyd seëvier”. As mens egter na vandag se politieke omstandighede kyk, lyk dit of dit nie waar is nie. As ‘n oud-president bedrog pleeg  en Indiese vriende se geld gebruik om hulle en homself te verryk, hoor mens net dat die vriende se  lewens moeilik gemaak word? Jy sien nêrens sy naam in die pers nie. Beteken dit dat hy vir die res van sy lewe saam met sy vriend Shaik op die golfbaan deur te bring. Sug… niemand kan sê die lewe is regverdig nie?

Dankie vir die deelneem/inloer. Hoop jy het ‘n heerlike naweek.

1

2

3

4

5

6

 

Sondag Kopies

Ek hou van pakkies, goeters en katoeters. Miskien omdat ek grensloos nuuskierig is.  Ek hou daarvan om te weet hoe dinge werk. Ongelukkig is dit nie altyd volhoubaar nie, want as die pakkie oop is gebeur dit dat ek die item nooit gebruik nie. Dit maak van my nie altyd ‘n goeie vriendin nie. Nee, ek is grensloos lojaal, maar ek kan nie die hele dag net sit en kuier of regtig op- die stoep sit en niksdoen nie. Dit is dan die rede waarom my rekenaar oorbenut word en my blogvriende so gewild is by my.

Dankie vir die inloer Ek hoop jy kry iets vir jou wenslysie en dat jy ten minste sal glimlag.

Vrydag Byskrifte

Hierdie tjommeltjie is met my tong stewig in die kies en beslis nie bedoel om ‘n ernstige teologiese gesprek uit te lok nie. Omdat ek so nuuskierige mens is, is daar kwelvrae waaroor ek al baie gewonder het. (Ok, nie so baie nie. maar darem)

1. Het die slang in die Paradys gelispel? Daai gesplete tong – of het sy tong eers later gesplit – hoekom is die tong nou weer gesplit?

2. Wat het Noag en sy familie vir toilette gebruik … en 40 dae sonder seks?

3. Watter dier/e het Noag vir sy offer gebruik? Het hy toe die manlike of vroulike een gebruik en het dit toe uitgesterf?

4. Hoe het Simson die jakkalse gevang en bymekaar gehou – dit eintlik ‘n gruwelverhaal en baie wreed?

5. As Salomo so slim was waarom het hy dan so baie vrouens nodig gehad… het hy genoeg tyd vir almal gehad?

 

Dankie vir die inloer/deelneem. Ek hoop jy het ‘n heerlike naweek en dat jy ten minste sal glimlag!

1

2

3

4

5

6