Sondag Kopies

Sjoe, die opening en afsluiting van die Olimpiese Spele word elke keer meer indrukwekkend. Die hoeveelheid geld wat aan die geleenthede uitgegee word, sal seker my kop laat duisel, maar as dit selfs aan ‘n paar werklose mense werk verskaf, sal dit my gelukkig maak. Tog is ek bly dat dit nie hier aangebied word, want daar is gewoon nie geld in die staatskoffers nie. Goed mens kry dit seker terug, maar as mens dink aan die hoeveelheid stadions wat in onbruik is, wonder ‘n mens tog.

Dankie vir die inloer. Ek hoop daar is vir jou iets te kope die week, maar boweal dat jy sal weggaan met ‘n glimlag.

 

 

 

 

 

Vrydag Byskrifte

Hier op die Landgoed dans ons ‘n vreugdedansie oor die wonderlike reën (Net jammer die pannekoek is so min) Eish, ons is almal lui vir pannekoek – selfs ek het my deel vir volk en vaderland gedoen toe ek die pannekoestalletjie gekry het met een Inter-skole atletiek.  Daai emmers deeg is niemand se maat nie.  Elke kermis, basaar of skolebyeenkoms het altyd ‘n pannekoekstalletjie  en dis altyd by almal gewild. Oooo ja, dis soos die spookhuis en tombola wat baie gewild is.  Die spookhuis maak lekker geld en is met goeie beplanning min werk maar die tombola is ‘n helse werk, maar maak ook lekker geld.

Baie dankie vir die inloer/deelneem. Ek hoop jy het ‘n heerlike naweek.

1

2

3

4

5

6

 

Sondag Kopies

Ek kan my soms so skaam vir al die weelde waarin ek/ons leef. Verlede Woensdag neem ek ‘n gehoorgestremde huiswerker na die gehoorinstituut. Sy het ‘n stokou gehoorstuk wat hoorbaar fluit as sy wil praat. Toe sy in die kar klim krimp my hart ineen oor ek nie met haar kan praat as ek nie vir haar kyk nie en ek is te skaam om die radio aan te sit. Ek is so skaam dat ek/ons so arrogant onverskillig is oor my/ons gehoor, gesig en alles wat ons/ek van selfsprekend aanvaar. Ek kry so skaam dat ek in al my behoeftes kan voorsien en dan soms kerm en kla oor klein goedjies.  Sug…

Dankie vir die inloer. Ek hoop daar is ietsie vir jou, maar dat jy boweal sal glimlag.

Vrydag Byskrifte (N18)

Hierdie uitgawe is nog met Valentynsdag vars in die geheue. Miskien verbeel ek my, maar dis asof die dag redelik onopsigtelik verbygegaan het. Dis miskien met al die woelinge in die politiek. Verlede keer toe daar ‘n effense gewaagde prentjie was, het FB dit gesensor en ek is nuuskierig of dit weer sal gebeur. Ons leef darem in vreemde tye. Van die gruwelikste goed word geplaas en niks gebeur, maar wag net dat Tinatjie so effens waag, word dit nie geplaas nie.

Dankie vir die inloer/deelneem Hoop jy het ‘n heerlike naweek.

1

2

3

4

5

6

Sondag Kopies

Eish dis naelbytkrieket wat die Proteas darem bietjie aansien in die reeks gee. Baie geluk aan die manne.  Tog kan ek nie help om te wonder of daar nie ‘n bietjie gekook word by die reekse nie. Aan die ander kan kan nie voorsien dat sal reën nie en dit is dan baie moeilik om te voorspel wat sal gebeur. Ek verstaan net nie waarom die spelers wat uitstekend in die toetsreeks gevaar het, nou net sukkel … dit laat my net wonder.

Dankie vir5 die inloer. Ek hoop daar is darem iets vir jou wenslysie anders moet ons maar kyk wat Una van Bali af gebring het. Hoop dat jy darem sal glimlag.

Vrydag Byskrifte

Ai-ja-ja-ja die pad na Rome is geplavei met goeie voornemens. Ek was vas van plan om aan Hester se Lê-jou-eiertjie uitdaging deel te neem maar verneem nou daar is ‘n boek in die pyplyn  en dan sal ek sekerlik opgesluit word vir die volgehoue plagiaat elke Vrydag en Sondag. Ek wou met hierdie week se byskrifte die slange in die Towerhuis wys en dan hoor of iemand hulle nie wil aanneem nie – anders sal ek hulle hier op die landgoed moet akkommodeer. Jy het nog tyd, want hulle verwydering vind eers in taak 5 plaas?

Dankie vir die inloer/deelneem. Ek hoop jy het ‘n wonderlike naweek

1

2

3

4

5

6

 

Sondag Kopies

Tweede… Regtig… TWEEDE.  Wat is dit nou met ons Blitsbokke? Ek is nie baie kompeterend nie. Om te verloor is nie te erg vir my nie, ek trek maklik my skouers op en beweeg aan.  Toe Betty Kemp na die oggenddiens sê “Ons is bly dat hulle darem tot by die eindstryd gevorder het!” mompel ek “REGTIG” Hulle maak nou ‘n gewoonte om tweede te kom.  Soms is tweede slegter as laaste veral as hulle al die sterk spanne gewen het. Dan is daar ook so onrustigheid in my kop dat die uitslae dalk voor die tyd bepaal word.

Ek hoop daar is iets interessant vir jou wenslysie maar dat jy ten minste sal glimlag.

Vrydag byskrifte

Sug… lyk my ek moet ‘n permanente tiener in diens neem, want ek het nou kort-kort ‘n rekenaar pyn.  Hier gebeur dinge vreeslik stadig. My rekenaar het vanoggend meer as ‘n uur gevat om aan die gang te kom. Ek haat sukkel.  As ek nou nie regtig by jou blog uitkom, is dit regtig nie met opset nie.

Dankie vir die deelneem/inloer. Dis altyd lekker om jou hier te sien. Hoop jy het ‘n heerlike naweek.

1

2

3

4

5

6