Sondag Kopies

Eish… ek verstaan nie mense nie… toe die wiel uitgevind is, was dit tot voordeel van die mensdom en die feit dat die wiel iemand kan doodmaak, het nie veroorsaak dat n=mense wiele vir tentpale gebruik het nie. As jou kop seer is, drink ‘n pil en gaan lê tot jy beter voel. As dit nie beter word, gaan dr. toe drink die pille wat hy/sy voorskryf. Dit help nie as jy kla met die woorde ‘EK DRINK NIE EINTLIK PILLE NIE’. Pille en dr.’s is soos die wiel… dit maak jou lewe makliker en beter. Terwyl ek OP  die onderwerp is – operasies word gedoen om jou lewe beter te maak. Waarom sal jy aanhou kla oor die operasie – kry dit agter die rug. Die % mislukkings is klein in vergelyk met die wonderlike suksesse. Waarom hou jy aan en aan…en aan… en aan… en aan… oor die pyn  en die ongemak – jy het ‘n hele paar kinders die lewe in gebring en hulle het jou lewe BETER gemaak. So sal die operasie jou lewe BETER maak en dit sal hoogs waarskynlik ‘n groot sukses wees!

Dankie vir die inloer. Ek hoop daar is ietsie vir jou wenslysie en dat jy ten minste sal glimlag.

 

 

Vrydag Byskrifte

Ai, dis darem baie lekker as dit reën. Die gra en plante reageer dadelik en alles tel hulle koppe op. Mens en dier voel sommer beter. Almal is baie dankbaar.

Dankie vir die deelneem/inloer. Hoop jy het ‘n heerlike naweek.

1

2

3

4

5

6

 

Glimlag

Sug… soms besef mens oor en oor dat jy te vroeg gebore is. Veral as dit oor tegnologie gaan, sukkel mens darem net te veel. Gewoonlik kan mens ‘n tiener nader trek en hulle los jou probleem blitsig op. Sug… sug…SUG, maar die afgelope tyd wil ek my polse afknaag. Ek het ‘n ekstra SD kaart van 32gb laat insit maar kan niks daarop bêre nie, want ek weet nie hoe nie? Nou is my foon die hele tyd vol en geen tiener kan my wys hoe om my probleem op te los nie… ek vergeet ook telkens om by Vodacom te vra as ek by die winkels kom. Waarom besef die verskaffers nie dat die meeste mense nie telefoonfundies is nie.

Wag … miskien moet jy liewer saam met my glimlag.

 

Sondag Kopies

Ek kyk graag Judge Judy (Ja, ok, lag maar en al jou argumente het ek al gehoor) en hoewel die program vir sensasie en TV doeleindes gemaak word,  leer mens  telkens weer ‘n paar lewensvaardighede:.

1. Moenie geld uitleen nie.

2. Mans en vrouens moet kinders onderhou.

3. Moenie geld gebruik om jou kind ‘n les te leer nie.

4. Werk is  ‘n noodsaaklikheid vir die meeste mense.

5. Vriendskap is broos … pas dit op en waardeer dit.

Dankie vir die inloer. Hoop daar is iets vir jou wenslysie en dat jy ten minste sal glimlag.

 

Vrydag Byskrifte (18N) :)

Ek wonder hoe lyk die weer by jou? Ons het nog net 3 druppels reën in Januarie gehad en die son is so hitsig dat alles voor die voet doodbrand. Hulle het nogal ‘n bogemiddelde reënval vir my provinsie voorspel, maar ek sien nie veel daarvan nie. Die weervoorspellings wys ook net volle sonnetjies sonder ‘n wolkie in sig… sug… gelukkig is ek nie ‘n weervoorspeller nie, want dan het ek lankal my werk verloor.

Baie dankie vir die inloer/deelneem. Hoop jy het ‘n lekker naweek.

1

2

3

4

5

6

 

Glimlag

Elke jaar wanneer die skole begin, sing my hart van vreugde. Die eerste jaar na ek afgetree het, het ek eers agtuur opgestaan en dorp toe gery, ‘n koerant gekoop en by die Whimpy gaan ontbyt eet … ‘n wonderlike vryheid. Moenie my verkeerd verstaan nie – ek het my werk baie geniet, maar het nooit besef hoe lekker dit is om dit nie te doen nie. Dis ongelooflik bevrydend om die vryheid te hê om te badkamer toe te gaan wanner jy wil of net ‘n koppie koffie te drink wanneer jy wil. Wat egter die heel lekkerste is dat jy nie hoef wakker te lê met kommer oor ander mense se kinders nie.  Grinnik … wat ek egter baie mis, dis die “Bring asb. vir my daardie boeke” “Gaan gee asb. die vir mnr. P” Kom julle tel gou daardie papiere op … asb. ” EN (skuus Lou) die feit dat mens elke dag iets gehad het om oor te lag en dankbaar te wees vir die vreugde wat die ander mense se kinders in jou lewe gebring het.

Sterkte aan alle ouers … kinders grootmaak is sowaar nie vir sissies nie. Waar julle al die geld vandaan haal is voorwaar ‘n wonderwerk. Sterkte ook vir al die boeke oortrek!  Onthou tog maar om altyd te glimlag.  Hoop die sal ook help…

Sondag Kopies

Vryheid is darem ‘n interessante ding. Mense gryp vryheid met beide hande aan, maar as dit by die verantwoordelikheid kop, is hulle diep verontwaardig as hulle uitgevang word. Dis tog te lekker om te skinder en allerhande woeste gevolgtrekkings vir die waarheid vertel, maar as hulle gekonfronteer  word is hulle diep seergemaak. Ek verstaan nie waarom goeie welopgevoede mense nie die regte mense wil vra as hulle nie iets verstaan nie. Sug… ek verstaan dit nie!

Genoeg gekerm…Dankie vir die inloer. Ek hoop daar is ietsie vir jou wenslysie en ten minste iets om oor te glimlag.

Vrydag Byskrifte

Hierdie tyd van die jaar is die skool – skoler – skoolste.  Almal wonder oor die geld en kinders. Daar is baie kommer, maar ook sakke vol vreugde en opwinding. Almal juig oor die matrieks wat goed gedoen het en sien uit na die kleintjies wat hulle skoollewe begin.  Ek het gister die twee plaaslike koerante uitgedaag om die jaar nie ‘n enkele foto van ‘n huilende kleinding te plaas nie.  Dis maak nie sin nie … almal weet van vrese en negatiewe goed wat mens in jou skoolloopbaan ondervind, maar watter voordeel het ‘n huilende kind in ‘n koerant? Waarom nie liewer blinkoog glimlaggende kinders plaas nie.  Bied skool aan as ‘n positiewe ervaring… sug… is ek op die verkeerde pad as ek sê  ‘Ek verstaan dit nie!”

Ek probeer die week iets anders met die byskrifte. Dankie vir die inloer/deelneem Ek hoop jy het ‘n wonderlike naweek.

1

2

3

4

5

6

 

Sondag Kopies

Ek doen nie eintlik mense nie. Nee, ek het niks teen mense nie, maar groepe mense wat saam kuier, is nou nie regtig my idee van pret nie.  As onderwyser is/was jou lewe gevul met mense – vergaderings, oueraande, funksies, kursusse en nog vele meer. Dis mens se werk en jy is verplig om na die byeenkomste te gaan. Ek is regtig nooit eensaam nie, maar om elke keer alleen huis toe te ry was nooit lekker nie. Nadat ek afgetree het, het die plig verval en ek sê vriendelik, maar beslis ‘nee dankie’. Ek voel ek hoef nie ‘n rede te gee nie, of een of ander verskoning uit te dink nie.  Ek is gelukkig en tevrede (ok, nie met die regering nie, maar dis ‘n storie vir ‘n ander dag)

Dankie vir die inloer. Ek hoop jy kry hier iets vir jou wenslysie, maar dat jy darem sal glimlag.

 

Vrydag Byskrifte (18N)

Elke jaar met die matriekuitslae borrel die herinneringe na vore. Ek is elke jaar so bly vir die outjies wat goed gedoen het, maar hart krimp ineen vir die teleurstellings en die feit dat van die kinders nie gaan werk kry en wat teleurgestel kan word. Ek het nie meer persoonlike belang by die uitslae nie want hierdie groep het ek nooit voor skoolgehou nie. Ek het altyd met die laaste gr.7 puntestaat  elke kind in die koerant opgesoek.  Nou kan ek net sê:  ‘Baie geluk en welkom tot die lewe!’  Onthou net daar is ‘n heel ander lewe na skool.

Dankie vir die inloer/ deelneem.  Hoop jy het ‘n lekker eerste naweek van die jaar.

1

2

3

4

5

6