Sondag Kopies – nie vir sensitiewe lesers.

Ek is seker jy het nie baie lus om te koop na Vrydag se gedoente in die winkels nie. Ongelukkig is die goed waarin ek gewoonlik belangstel die waarvan die pryse selde verminder word. ‘n Mens se huis is in elk geval gevul met wit olifante wat jy nie regtig nodig het of ooit sal gebruik nie.

Dankie vir jou inloer. Dis so lekker as jy iets oulik vind maar boweal as daar iets is wat jou laat glimlag.

“n Paar skunnige kopies vir hom en haar.

 

Vrydag Byskrifte

Ek moet ruiterlik erken ek hou van koop. Al die jare van sente omdraai en vinnige inkope omdat daar nooit tyd is om behoorlik te soek, is hierdie aftreetyd lekker, want hoewel die skip wel nog nie ingekom het nie is daar nou tyd om te kyk en te vergelyk.  Tog moet ek sê die massas van hierdie uitvekopingdag hou die meeste afgetredenis en my by die huis.

Dankie vir die inloer/deelneem. Dis altyd lekker as jy hier draai en jy kikker my naweek op! Geniet dit.

1

2

3

4

5

6

 

Sondag Kopies

Die week het ons ‘n heerlike bui reën (34mm) gehad. Daar is min dinge wat vir my so lekker is soos reën in die Bosveld. Ek gee ook nie nie baie om vir die koelerigheid in die lug nie …. alhoewel mens nie kan glo ons trek al by die einde van November nie. Van watter soort weer hou jy die meeste?

Dankie vir jou inloer. Hoop daar is iets vir jou wenslysie, maar dat daar ten minste iets is om oor te glimlag.

Vrydag Byskrifte

Ek mag verkeerd wees en die skrywers onder julle kan my dalk help: Daar is baie vreemde uitgewers op die oomblik. Hoe kies jy ‘n uitgewer om jou boek uit te gee? Elkeen met ‘n drukker kan hom/haar voordoen as ‘n uitgewer, maar as jou uitgewer dit nie op die regte plekke aanbied nie, gaan jy sukkel. Grinnik… aan die ander kant wat sal ek nou weet..

Ek probeer die week ietsie anders. Dankie vir jou inloer/deelneem. Hoop jy het ‘n mooi naweek.

1

2

3

4

5

6

 

 

Sondag Kopies

Ek kan my altyd verwonder aan dit wat die Afrikaanse draaiboekskrywers (Altans baie van hulle) Ek kyk vanoggend na die drama Waterfront. Sjoe hoeveel kan mense nou wroeg? Geen vreugde, geen humor… net oppervlakkige hartseer en ‘n gewroeg.  Min opwinding en aksie. Miskien is ek verkeerd … sug… sal maar aanhou kyk dalk verras hulle my.

Dankie vir die inloer. Hoop daar is iets vir jou wenslysie, maar dat jy bowe al sal glimlag.

Vrydag Byskrifte

Vergeet! Vergeet? Ek sowaar Sondag vergeet om die blog se opskrif in te vul.  Ja, ons almal vergeet, maar hier op die Landgoed kry VERGEET ‘n heel ander betekenis. Ek dink dit is aansteeklik, maar aan die ander kant is dit dalk nie so nie en mens is net meer bewus daarvan as jy die storie vir die soveelste keer aanhoor. Iemand sê nou die dag: “Siestog, sy voel seker baie sleg oor sy so vergeet.”Ek wonder net daaroor – is die vergeet nie maar net ‘n beskermmeganisme is, sodat jy vergeet van gister se pyne en hartseer?  Ongelukkig is dit iets wat mens nie kan kan beheer nie…

Dankie vir die inloer/deelneem. Hoop jy het ‘n wonderlike naweek!

1

2

3

4

5

6

 

Ek kyk graag na die ontwerper realiteitsprogramme en verwonder my altyd oor die mense se idees waaroor ek in die begin twyfel en ek elke keer verbaas dat dit so mooi uitwerk. Ek hou ook daarvan om wyd op kunswebwerwe rond te kyk. Dalk gaan ek nog eendag ‘n hele Sondag Kopies aan kunswerke afstaan.

Dankie vir jou inloer. Ek hoop jy het ietsie vir jou wenslysie gekry en dat jy tenminste sal glimlag.

Vrydag Byskrifte

As ‘n mens bietjie swaarmoedig is, is daar geen beter medisyne as ‘n besoek aan ‘n kwekery. Ek is nou nie die beste tuinier op aarde nie en soms hou die plante wat ek koop nie te lank nie, maar geen wonder blomme word met soveel positiewe dinge in die lewe geassosieer.

Dankie vir die inloer/deelneem. Jy kikker altyd my naweek op. Hoop jy het ‘n lekker naweek.

1

2

3

4

5

6

 

 

Stemme uit die verlede

Vanoggend word ek gevra om kommentaar op my Litnetblog te modereer. El kan sien die blog bestaan nog maar kan nie inlog of deur gewone kanale daar uitkom nie.  Die blog is op 1 Maart 2012 geskryf en ek kom op kommentaar van Franscois Williams af.  Sjoe, die man sê my so sleg dat dit see my nie kan afwas nie. Hy reken ek moet skoert en praat van afrikanerosaurusse…en my  mislike houdingkie Ek kan die kommentaar glad nie onthou nie, maar die man het soveel kwytgeraak, dat niemand hom ernstig kon opneem nie. Onthou jy daardie tye?

Nee wat mens het seker maar vooruit beweeg. Het jy al geglimlag vandag?