Sondag Kopies 27/08

Oeps, Tinatjie is nou effe laat vandag … maar mens het darem ook ‘n lewe op die Landgoed. Jy sal dit nie glo nie, maar ons het sowaar ‘n oulike buitjie reën gehad. Liefde en Genade wat met groot dankbaarheid aanvaar word. Ek hoop regtig dat die Kaap ook nog sommer lekker reën kry.

Dankie vir die inloer en ek hoop dat jy ten minste ‘n bietjie sal glimlag as jy weggaan. Hoop jy het ‘n lekker week.

 

Weekly Photo Challenge: Corner

No corner of the world is free from group scorn.

Gordon W. Allport

via Photo Challenge: Corner

Vrydag Byskrifte 25/08

Hier is daar so effense koelte in die wind… hier kom ‘n koue naweek.  Op hierdie stadium van my lewe wil ek my omring met positiewe goed. Ek wil as dit my pas my kop en lyf volstruis hou en nie te veel dink aan die negatiewe dinge in die land nie, sowel as dinge waaraan ek niks kan verander nie. Ek is dankbaar en tevrede en gaan dit so lank as moontlik so hou.

Dankie vir die inloer/deelneem. Ek hoop jy het ‘n heerlike naweek.

1

2

3

4

5

6

 

 

Sondag Kopies 20/08

Eish, weet iemand hoe ek die hinderlike swart raampie wat WP hier op my blog plak weg te kry? Dis sowaar soos die advertensies op FB – dit plak stewiger as ‘n honger bosluis!

Dankie vir die inloer. Ek hoop daar is ietsie vir jou wenslysie en dat jy ten minste sal glimlag.

Blog – Blogger – Blogste

Dit tyd vir wonderwerke is sowaar nog nie verby nie. Die week wonder ek op FB waar al die bloggers wat ek leer ken het en ‘n pad mee saam geloop het. Die reaksie was ‘n heerlike verrassing. Amper 40 bloggers reageer en die gevolg is die lekker uitruil van wat daar in die blogwêreld gebeur.

Ek het reeds in 2005 begin om blogs op Mweb te lees en in 2006 my eie geskep. Nogal met sterre in die oë was die doel om ‘n wonderlike onderwys bydrae te kon lewer. Daarvan het niks gekom nie, want die talente ontbreek. Ek het baie voorbarig met ‘n Survivor uitdaging begin en gou my hande vol gehad om die vrede te bewaar.  Dit was egter lekker pret. In Julie 2006 is my ma wat lank by my gewoon het, oorlede en die bloggers het my hierdeur gedra.

Bloggers het gekom en gegaan, maar die buitelandse verkopers het die blogs op Mweb oorstroom en die meeste van ons het na Litnet gegaan. Oh Boy … het ek maar geweet waarvoor ek my inlaat. Dit was ‘n opwindende tyd, maar ek het gou geleer dat ek net ‘n prulskrywer is en dat my sin vir humor besils nie in almal se smaak val nie. Tog het ek wonderlike bloggers ontmoet. Mense vir wie ek die grootste respek en bewondering het. Daar het ek ook geleer dat daar baie gemene mense is, wat nie sal wyfel om ander te vernietig net om ‘n geveg te wen nie. Mense wat oral ronddwaal en skoorsoek en wat ‘n argument in enige onskuldige opmerking sien.  Tog was dit ‘n wonderlike tyd.

Nou is ons hier op WP. Rustig met min steurnisse, geen hewige argumente, geen truiverkopers en eintlik min opwinding. Tog vir mense soos ek wat van roetine hou, ‘n rustige plek waar mens kan kuier met goeie vriende. Soms verlang mens na die vurige ou dae, maar die meeste van die tyd is mens tevrede met die lekker onthou!

Sjoe, nou het ek baie gepraat … het jy darem al vandag geglimlag?

 

Sondag Kopies

Met die wantrouedebat verby, staan ons soos elke oggend op en niks het verander nie. Was dit nou werklik al die geld en aandag werd? Wag ons nou tot Desember en dan verander net die persoon en nie die omstandighede nie?  Hoe gaan dit nou werk? Wie het stemreg by die algemene vergadering? Wat word van die president… adjunk minister van Onderwys?   Ag nee wat, kom ons gee aandag aan die Sondagkopies en jou wenslysie.

Ek hoop daar is iets op vir lysie vir jou en indien nie dat jy ten minste sal glimlag.

Jammer ‘n tweede kwilt maar ek kon nie kies nie

Vrydag Byskrifte

Ek is voorwaar te vroeg gebore, en daarom vat dit my twee keer so lank om elektroniese goed dinge te verstaan. Omdat ek ‘n mens is vir roetine hou ek van die Firefox browser , veral omdat dit ‘n Afrikaanse speltoetser het. Maar nou kan ek skielik nie meer op WP inlog nie en kry ek heeltyd die 405error boodskap.  Ek gaan nie allerhand dinge probeer nie want dit hoe ek myself uit my Litnetblogs gesluit het. So – Chrome moet maar die ding doen

Dankie vir die inloer/deelneem. Ek hoop jy het ‘n heerlike naweek.

 

1

2

3

4

5

6

 

 

Sondag Kopies

Dis ‘n heerlike sonskyndag hier op die Landgoed.  Laat mens dink aan lente, maar mens weet die Augustuswind sal nog aankom. Intussen sal ons maar die stilte geniet. My hart gaan uit na al die Leeus en hulle ondersteuner… ek weet nie veel van rugby maar selfs ek kon sien (AAN  DIE EINDE VAN DIE DAG) was hulle nie die beste span op die veld nie. Dis egter so lekker om die paviljoen vol ondersteuners te sien.

Hoop daar is iets vir jou wenslysie en ‘n glimlag vandag. Hoop jy het ‘n lekker Sondag.

Ek het al die gebruik maar dis so oulike idee

 

Vrydag Byskrifte

Ek droom amper elke nag. Soms onthou ek dit en ander kere nie. Nagmerries steek darem gelukkig nie gereeld kopuit nie, maar as dit kom is dit gewoonlik ‘n skooldroom. Eish… vanoggend is dit toe sulke tyd. Ek droom ek is laat en moet by die O/11 aflosspan uitkom, maar ek weet nie waar hulle is nie. Ek soek tussen die stalletjies, maar kry hulle nie… Gelukkig net ‘n droom – ek sal nooit weer vir die span verantwoordelik wees nie …

Dankie vir die inloer/deelneem. Ek probeer vandag ietsie anders. Ons sal kyk hoe dit gaan. Hoop jou naweek is lekker.

1

2

3

4

5

6

 

 

Weekly Photo Challenge – Textures

Little moments can have a feeling and a texture that is very real.

Ralph Fiennes

via Photo Challenge: Textures