Vrydag Byskrifte

Sjoe, mens kan sien hier in die dorp is dit vakansie. Die strate is besig en die kinders swem in die winkels. Ek is bly vir die kinders en onderwysers want elkeen verdien dit. As mens aftree is elke dag mos vakansie.  Tog was skoolhou baie keer vir my lekkerder as vakansie…

Hoop jy het ‘n lekker vakansie/naweek. Dankie vir die inloer /deelneem.

1

2

3

4

5

6

 

 

Die Eggo van jou Ego

Die mens se ego is darem ‘n interessante deel van jou menswees. Die meeste van ‘ons normale‘ mense het maar ‘n brose ego wat ons daagliks probeer beskerm.  Daar teen oor is daar die mense wie se ego so opgeblase is dat hulle doof raak vir ander se behoeftes.

Ek broei nou al van verlede week oor Sarie se agterblad. Ek moet erken my hart is seer dat Koos van der Merwe sy laaste agterblad geskryf het en dat dit groot skoene is wat volgestaan moet word. Steve Hofmeyr is die skrywer van die blad en skryf ‘n brief aan sy jongste dogter. Alles is gaaf en wonderlik ek is bly vir hom, maar vind nêrens ‘n boodskap wat my persoonlik raak.  Ek wonder ook hoe moet sy ander dogter voel… selfs sy ander kinders. Dis soos mense wat die hele middag net oor hulleself gesels – dis werklik baie vermoeiend.  Miskien word ek nou regtig oud maar ek voel so oor Nataniël in die laaste tyd ook. Dis regtig of hulle egos so groot raak dat daar nie meer plek vir hulle ondersteuners nie.

Wag miskien moet ons liewer maar op die tande kners en glimlag.

 

Sondag Kopies

Ek wonder hoe modeontwerpers tot ‘n gevolgtrekking gekom het dat alle bloese sonder krae gemaak moet word. Ouderdom is nie te gaaf met ‘n vrou se nek nie … plooie word gevorm soos ‘n hoendertjie en ek sal nooit oortuig word dat enige man so plooinek sexy vind nie. Goed, vir die winter kan jy ‘n serp dra, maar hulle besef nie dat die van ons wat nie sentrale verhitting kan bekostig se bo-borsie  die eerste ding is wat kan bibber van die koue. Sug… ek besef geen ontwerper lees my blog nie, maar dalk kom daar ‘n helder oomblik.

Dankie vir die inloer Ek hoop daar is ietsie vir jou wenslysie, maar dat jy ten minste sal glimlag.

Weekly Photo Challenge – Transient

via Photo Challenge: Transient

Modernity is the transient, the fleeting, the contingent; it is one half of art, the other being the eternal and the immovable.

Charles Baudelaire

Sondag Kopies

Die week was die kopies wat na my kant toe gekom het maar skaars.  ‘n Belangrike bron was die week stil – ek vermoed hy is siek, want hy was die afgelope jaar baie in en uit die die hospitaal. Dis lekker as wildvreemde mense jou vriende word deur sosiale media en blogs.  Baie mense verstaan dit nie, maar vir my is jy spesiaal en jy vul my lewe met vreugde. Ek lag en huil saam met jou en moet jou bedank vir die spesiale manier waarop jy my lewe aanraak.  Vir die wat nie meer met ons is nie – jou plek is leeg … hier en in my hart.

Ek hoop daar is iets om oor te glimlag of vir jou wenslysie by die kopies die week. Dankie vir die inloer.

Weekly Photo Challenge – Focus

 

The ego is nothing other than the focus of conscious attention. Alan Watts

via Photo Challenge: Focus

Vrydag Byskrifte – Jeugdag?

Jeugdag is vir my altyd so halwe hartseer herdenkingsdag.. Behalwe dat ek baie lief is vir kinders, weet ek daar ‘n hele geslag daar buite wat heelwat verloor het terwyl daar geëksperimenteer is in die onderwys.  Hulle gaan dit nooit in hulle leeftyd inhaal nie. Ek is ook jammer vir my persoonlike aandeel daaraan.

Dankie vir die inloer/deelneem. Geniet die naweek maar bowe al moenie vergeet om te glimlag nie:

1

2

3

4

5

6