Volgens ‘n lekker verspotte Fb opname sal die uwe nog vir 35 dae single wees. Die dae hardloop vinnig aan – en nee wat ek steur my nie regtig aan sulke twak nie, maar die kommentare het baie plesier verskaf.
Daar is egter besliste voordele (en nadele) aan single wees. (Ek noem net ‘n paar)
- Jou bed is jou bed. Elke sentimeter is joune en jy kan enige liggaamsdeel daarop laat rus wanneer jy wil.
- Jou tyd is jou tyd. Niemand verwag van jou om jou tyd aan kosmaak, skoonmaak, tuinmaak of enige ander huishoudelike maaksels af te staan nie.
- Jou geld is jou geld. As jy nie genoeg het maak jy ‘n plan, as jy genoeg het, geniet jy dit en as jy te veel het hoef jy aan niemand te verduidelik wat jy daarmee gedoen het nie.
- Jou goed is jou goed en waar jy dit neergesit is jou saak. Jy het niemand anders se goed wat jy moet versorg of oppas nie
Die nadele … wel ‘n paar is die volgende:
- Seks gebeur net op bladsy 2 van ‘n storieboek.
- Niemand kan die kar vat vir sy diens nie.
- Daar is niemand wat sy bankkaart vir jou leen nie.
- Daar is nie ‘n skouer wat jy kan nattjank met ‘n mooi fliek nie.
So nou kan jy self besluit wat jy ding is dinge wat kort op my lysies? Ek hoor graag van jou.
Maar (skuus Lou) ek wonder of jy al geglimlag het?
rondomtaliedraai 