Sondag Kopies

Ek was van plan om nie ‘n woord oor die hitte te sê nie, maar ek dink die ontwikkelaars sal ‘n ernstige gedagte aan ‘n swembad moet gee… eeeemmmm … ok,  dalk nie ‘n goeie gedagte nie. Ons kombuisbestuurder het egter ‘n gawe plan om ‘n paar stoele in die inloop yskas te sit en dan uit te verhuur.  Ek gaan beslis my naam op die lysie skryf. (Sug… maar sê nou hulle vergeet jou?)

Hoop jy het ‘n heerlike Sondag en dat daar ietsie is waarin jy belangstel of dat jy tenminste sal glimlag.

Vir Perdebytjie  en die ander kampers. Die haal water uit die atmosfeer.

Al die kinders met hulle voete en stink boude op die plek waar ek netnou my kos moet neersit, is een van die grillerigste dinge vir my.

Weekly Photo Challenge – Transmogrify

https://dailypost.wordpress.com/photo-challenges/transmogrify/

Free the child’s potential, and you will transform him into the world. Maria Montessori

Vrydag Byskrifte

Sjoe, dis warm in die Bosveld – dis of ek daardie woorde al baie keer op my blog genoem het. Die kraaie gaap en daar is nie ‘n wolkie so groot soos ‘n man se hand in die lug nie.

Dankie vir die inloer/ deelneem. Ek hoop jy sal ‘n lekker naweek en as jy reën kry stuur maar bietjie aan?

1

2

3

4

5

6

Tjommeltjie

Soms het die verlede so manier om met ‘n draai, skielik in ‘n mens se lewe in te kom.  Ligjare gelede het ons (ek en my twee susters) het ‘n onderwysdiploma  by NKP verwerf (daardie jare was onderwyser of verpleegster die enigste wat mens kon studeer waarvoor die staat betaal het). Dit was ook nie heeltemal gratis nie, want jy moes dan 3 jaar skoolhou. As jy getrou het, het jy jou permanente pos verloor. ‘n Finale jaar student kon aansoek doen, maar net die top-studente het geslaag en die res van ons moes maar tevrede wees met die plekkie wat jy kry.

So land ek op die Hoëveld se dorpie Greylingstad. Die naweek pop daar ‘n personeelfoto van die 6 personeellede op FB op en ek word teruggevoer na ligjare gelede.  Ek het in die proses ‘n paar dinge besef:

1. Mens kan jou nooit regtig losmaak van jou verlede.
2. As mens begin skoolhou weet jy geheel en al niks.
3. ‘n Mens behaal sukses op ander se werk/voorbereiding (Ek het geheel en al niks van netbal geweet en skielik word ek afrigter)
4. Elke mens wat in jou lewe kom (ongeag die ouderdom) raak op ‘n spesiale manier jou lewe aan en dit maak mens nederig dankbaar.
5. Elke dag verander ‘n mens en word mens ryker  – ek is baie dankbaar vir hierdie mense en dorpie waar ek soveel geleer het en waar die mense my onvoorwaardelik aanvaar het. Dis vreeslike lekker om te hoor hoe hulle lewens uitgedraai het.

Nou ja, na al die getjommel moet jy darem ‘n bietjie glimlag.

Weekly Photo Challenge – Shine

https://dailypost.wordpress.com/photo-challenges/shine/

 

In order for the light to shine so brightly, the darkness must be present. Francis Bacon

Vrydag byskrifte

Ek was nog nooit weg nie – verlore ja, maar weg of verdwaal nog nooit nie.. Hier op die Landgoed het ons nou die call4care stelsel gekry . Eers het ek my vererg – waarom moet ek nou my lewe verander om by ‘n masjien aan te pas. Tog is dit ‘n wonderlike konsep … elke oggend  druk mens ‘n knop en as jy vergeet begin hy beep om jou te roep … as jy nie antwoord begin hy (ek hoop dis ‘n hy – ek kan doen met ‘n nuwe verhouding) soek. Eers bel die masjien en as jy nie antwoord bel hulle die sorgsentrum wat dan moet ondersoek kom instel waarom jy nie antwoord nie.  Dis ‘n interessante konsep en  dit beteken dat iemand jou nie na ‘n week dood in jou bed kry nie. 

Dankie vir jou deelneem/inloer. Hoop jy het ‘n wonderlike naweek met baie reën as jy in SA woon.

1

2

3

4

5

6

Sondag Kopies

Die kraaie gaap hier in die bosveld en daar is nie ‘n wolkie vir reën nie. Eish, Oom Paul se verjaarsdag is al vergete verby. Dalk moet ek die Landgoed laat oplei vir ‘n reëndansie.

Dankie vir die inloer. Hoop daar is iets vir jou wenslysie en indien nie, darem iets wat jou laat glimlag.

Weekly Photo Challenge – Local

https://dailypost.wordpress.com/photo-challenges/local/

Vrydag Byskrifte

Hier is dit sowaar winter in die somer. Die week het ons al alles behalwe reën gehad.  Dis heerlik stil hier op die Landgoed, want die werkers is weg vir die naweek.

Ek hoop jy het ‘n heerlike naweek. Dankie vir die deelneem/inloer – dis altyd lekker as jy op my blog draai.

1

2

3

4

5

6

Trotse tjommeltjie

Een van die lekkerste dinge van onderwyser is as kinders waarvoor jy skool gehou het presteer, al voel jy soms dat jy nie genoeg gedoen het nie.

Ons het vir ‘n hele paar jaar ‘Ïdols’ (Genoem Klankekalante) gedoen. Die gr. 4-7’s moes almal deelneem en dit was deel van die Kuns en Kultuur punt.  Oudisies met 3 onderwysers  as beoordelaars is gehou en hulle kon ‘aantrek’  vir die okkasie. Daaruit het ons so tussen 20-25 van die bestes gekies en hulle het dan voor die kinders van die skool opgetree en elke kind kon vir sy gunsteling stem. Die tien bestes het dan deurgedring tot die finaal voor die ouers wat ook vir hulle gunsteling kon stem en so is elke jaar ‘n graadwenner aangewys en ‘n algehele wenner wat die meeste stemme gekry het.  Dit was baie pret (ook baie werk) maar beslis ‘n platform vir baie kinders en die selfvertroue het my elke jaar verbaas. Ek onthou nog vir Elisma wat soooooo skaam was tot ons haar toelaat om buite die saal met die mikrofoon te gaan sing… die soetste stemmetjie en sy sing haar toe die jaar in die derde plek in.

Ek wou eintlik van Ashley vertel … sy jaar se algehele wenner wat nou oppad is na ‘n oudisie vir The Voice. Ek kan nie die lekker warm gevoel beskryf wat dit mens gee nie. Mens kry so  gevoel met elkeen wat sukses behaal.  Elke troue en die geboorte van ‘n kind of enige prestasie verskaf onbeskryflike genot. Selfs die groot glimlag met die ontdek van ‘n nuwe liefde maak my hart warm.

Wag dis is nou genoeg getrommel … het jy onthou om vandag te glimlag?