Dis vir my ‘n vreemde dag, so Vrydag waarop die einde van die maand val. Toe ek gewerk het was die 22e altyd betaaldag, maar met die pensioen druk die staat elke laaste druppel rente uit jou opgespaarde geldjies. Grinnik… dis nou nie die ergste nie, want behalwe dat mens nie meer die dertiende tjek kry as jy aftree nie, is die ander voordele 10-voudig meer.
Dankie vir die inloer/deelneem. Ek hoop jy het ‘n heerlike naweek/vakansie.
1
2
3
4
5
6
1 2 3
4 5 6
Soms lyk dit darem of dit al te lekker gaan met slegte mense. Dit lyk asof hulle die lewe geniet en nie ‘n sekonde slaap verloor oor wat hulle aan ander doen nie. Is ‘n mens dan later so korrup dat jy dit nie eers meer agter kom nie? Almal sê altyd: ‘Die wiel sal draai of elke hond kry sy dag’ maar dit lyk nie of daardie dag gou kom nie.
Ek is ook liewer lui as moeg soos my ma altyd gesê het. Ek het ‘n webwerf ontdek wat vrae vra … so hier is ‘n paar!
1
2
3
4
Sug, dis harde werk … miskien wil jy liewer net glimlag
1 2
3 4
As mens weer jou oë uitvee is dit weer Sondag … dit was sommer nog nou die dag Januarie, nou trek ons aan die einde van September.
Ek hoop daar is ietsie by die kopies vir jou wenslysie. Ek is regtig nie ‘n kamper nie. Ek het een keer probeer vleis braai in die kruiwa en die roostertjie kon ek nie neersit nie. Ek het ‘n rukkie met die ding in die hand gesit toe die kamplig vrek! Nodeloos om te sê die tjoppie het nooit gaar geraak en is na die rondloperkatte toe en ek het nooit weer probeer nie. Ek hou van hotelle en gastehuise met alle nodige geriewe en as hulle nog kos voorsien, is dit die beste. Ek besef baie van julle hou egter daarvan en daarom sal daar sekerlik iets na jou smaak wees.
Ons braai bietjie op die Landgoed vir Erfenisdag more. Toe ons hier ingetrek het reken die ontwikkellaars – Oumense braai nie – ons het ons nie daaraan gesteur nie en nou word dit al aangebied. Mense het darem baie vooropgestelde idees. Die spreker praat nou die middag ook van oumense … tot iemand droog opmerk – Ons is dames nie oumense nie. Ek gee nie soveel om nie, maar ‘Ou Mensies!’ gaan nie by my goed af nie.
Dankie vir die inloer/deelneem. Ek hoop jy het ‘n besonderse lekker naweek!
1
2
3
4
5
6
‘n Koel bewolkte dag hier op die Landgoed. Ons het ‘n paar druppels reën gehad, maar dit gaan nie veel verskil aan die droë veld maak nie. Ons het al lus om voer vir die bokkie te koop.
Vandag se kopies is meer bedoel vir ‘n warm glimlag op die koel dag as wat dit vir op jou wenslysie sal wees. Dis nou as jy nie baie avontuurlustig voel nie.
Dis darem wonderlik hoe mens se blogvriende jou uit donker dieptes kan haal. Ek het so lekker gegiggel oor die kommentaar by die twee laaste blogs en Lewies het ‘n skakel gegee waarmee ek per ongeluk op die verkeerde blog geland het – ek lag nog erg geskok saam met die feit dat ek by die verlate eiland net die toiletpapier raaksien, … dit laat my nog kort-kort giggel!
Wat my ook gelukkig gemaak het, is dat ‘n vriendin vir my Vrydag die laaste kaartjie vir my PnP versameling gegee het en ek dit kon afgee vir ‘n vriendin se kleinkinders. Nadat ek en ‘n vriendin gisteraand heerlik gaan uiteet het, is alles weer klopdisselboom by my Landgoedhuisie.
Nou moet jy ook nog net saam met my glimlag want die gekners op jou tande oor die rugby is glad nie goed vir jou nie. Ek sien mense beveel ander sportsoorte as nasionale sport aan… jukskei, rolbal… As dit nou landwyd reën vandag kan die manne darem nie om die braaivleisvure hulle sorge uithuil nie. Kom ons glimlag – more is nog ‘n dag!
Ek is so effe mistroostig vandag. Jy weet die gevoel dat jy verlang na vreemde mense en alles wat jy in die lewe gemis het. Aan die ander kant voel dit vreeslik ondankbaar want daar is soveel Genade in my lewe, dat ek glad nie so behoort te voel nie. Ek behoort rond te spring van dankbaarheid. Ek lees die gesegde: Ek drink uit die piering, want my beker loop oor.
Dankie vir die inloer/deelneem. Jy kikker elke keer my naweek op!
1
2
3
4
5
6
1 2 3
4 5 6
Sug… dit was vandag weer ‘n winderige koue dag en ek het beslis ‘n glimlag nodig. Kom ons kyk wat jy sou kies en waarom?
Geniet.
EN (skuus Lou) toe waai die Augustuswind in September. Ek hoop nie dit beteken dat die eerste reën eers in Desember kom nie. Die weer is darem baie vreemd.
Dankie vir die inloer… ek hoop daar is iets vir jou wenslysie en dat daar iets is waaroor jy sal glimlag.
rondomtaliedraai 