Die Augustus wind waai nou al in Julie.
Hoop daar is ietsie tussen die kopies en dat jy ten minste sal glimlag. Hoop jy het ‘n lekker Sondag.
Monthly Archives: Julie 2016
Weekly Photo Challenge – Narrow
https://dailypost.wordpress.com/photo-challenges/narrow/
Eish… as ek nou weer so gruwelike spelfout het moet jy my tog asb. help en dit uitwys!
Tjommeltjie
Ek het lanklaas sommer net getjommel oor die Landgoed en wat hier gebeur. Dis nie dat ek min te vertelle het nie, maar sommige stories, hoewel vrek snaaks, tas so half mense se menswaardigheid aan. Mens word elke dag bewus van die feit dat jy self nie die skerpste potlood in die boks is en dat jy nie jou kan uitspreek oor ander se doen en late nie. Ek is seker hulle kan van my ook ‘n paar stories vertel.
Toe ek hier kom bly het, het ek met smaak vertel van die interessante mede-inwoners, maar oor die meer as 2 jaar het hulle gesondheid so agteruitgegaan dat ek nou met groot deernis aan hulle dink. Die stories wat mens vir die soveelste keer hoor vul met groot deernis. ‘n Mens maak soveel goeie vriende, maar besef elke dag meer van hoe broos die ouderdom mens maak.
Dinge vorder. Daar is al heelwat huise waar mense onafhanklik woon. Die Sorgsentrum is kant en wal vol. Die meeste van ons is nou so ingeburger dat jy met vrymoedigheid jou woonstel jou huis kan noem. Die gesprekke wat begin – voor ek hier kom bly het – word al minder. Nou is jy omring deur bekende goed en bekende mense. Die lewe is goed, want jy deel dit met mense wat omgee, daar is baie pret en interessante sinvolle gesprekke. *Fluister* al wat nog pla is die onderwyser in my wat nog soms wil uitspring en wil onderrig – vanmiddag kom Tannie E vir die soveelste keer met haat selfoon – “Ëk het dit gelaai en nou is dit so dood soos ‘n mossie” Ek rol my oë soos ‘n wafferse tiener en wys geduldig dat sy die ding moet aanskakel! Eish… die slimfone tog!
Genoeg hiervan Dankie vir die saamtjommel – het jy darem al vandag geglimlag?
Sondag kopies
Die koue het nog nie heeltemal toegeslaan hier in die Noorde, maar die wind waai en daarom bly mens knus in jou huisie.
Ek hoop jy het ‘n heerlike Sondag en dat daar iets vir jou wenslysie tussen die kopies is, indien nie dat jy ten minste sal glimlag
Weekly Photo Challenge: Cherry on top
https://dailypost.wordpress.com/photo-challenges/cherry-on-top/
Eeeeeemmmm – goed met bietjie verbeelding …
Glimlag
Gister was Telkom op die Landgoed en het die son, maan en sterre belowe. Daar is baie mense wat nog dink Telkom is die beste verskaffer. Aan die ander kant gun ek hulle bete internet toegang, want die selfone kom hier nie regtig die mas op nie.
Wag voor ek neerslagtig raak, kom ons glimlag liewer want daar is baie dinge wat my dankbaar maak.
Sondag Kopies
Met vandag se hoë pryse het ek gedink om jou te herinner aan die kopies jare gelede. Hoop jy geniet dit so veel soos ek. Sug… soms verlang mens darem terug na die vleispotte van Egipte.
Onthou tog om saam met die onthou te glimlag! Lekker Sondag vir jou.
Oooooo kyk net die vleisprys!!
Vrydag Byskrifte
Dis bedrywig op die Landgoed en soms meng dit in met my voorneme om so min as moontlik te doen.
Dankie vir die inloer/deelneem. Ek hoop jy het ‘n heerlike naweek. Dankie dat jy elke Vrydag my lewe opkikker.
1
2
3
4
5
6
rondomtaliedraai 