Sondag Kopies

Dis ‘n heerlike windlose sonnige wintersdag. Ek is vandag nog meer bly (Wonder of dit taalkundig korrek is?) vir die aftrede. Mens hoef nie ‘n oomblik te kwel oor die kinders of al die administrasie wat in die vakansie moet klaar kom nie. Ek sien gister ‘n rapport van gr. 9 leerder wat my selfs nog dankbaarder maak. Elke vakonderwyser het ‘n paragraaf oor die kind se vordering geskryf – weet jy hoeveel werk is dit!

Wag kom ons kyk na vandag se kopies. Hoop jy vind iets na jou sin, of dat daar darem ‘n glimlag sal verskyn.

Goed ek erken daar is meer om oor te glimlag as om te koop … sug… die einde van die maand probleem.

Partners

https://dailypost.wordpress.com/photo-challenges/partners/

 

 

 

Vrydag Byskirfte

Die winter is behoorlik hier. En (skuus Lou)  met al die woelinge in die wêreld bly ons almal knus in ons huisies. Die dorp is vol van mense met kinders wat vir drie weke inkopies doen, so mens bly daar weg as dit moontlik is.

Ek hoop jy het ‘n heerlike naweek/vakansie. As jy reis doen dit veilig!  Dankie vir die deelneem/inloer.

1

2

3

4

5

6

Sondag Kopies

Eish, ek kan nie die selfoonmaatskappye verstaan nie – hulle verkoop selfone links en regs maar lewer geen diens nie.  Selfone kom nie meer met instruksieboekies en hulle verduidelik glad nie aan die kopers hoe om dit te gebruik nie. Veral ouer mense wat gewoond is aan ‘n Nokia sukkel regtig.  Vanoggend kom ‘n dame amper in trane by my aan – sy het gister ‘n foon gekoop en dit gelaai en nou vanoggend is daar niks. Ek weet nie baie van fone af nie, maar sy moes hom net aangeskakel het. As daar ‘n boekie by was, sou sy dit uitgevind het… sug… maar nee die geld het mos klaar getjingel!

Hoop daar is ietsie vir jou op hierdie Vadersdag. Indien nie hoop ek darem op die weeklikse glimlaggie!  Hoop jy het ‘n lekker week.

Vrydag Byskrifte

Interessante dag – ‘n vakansiedag maar nie ‘n vakansiedag nie.  Vir al die vaders daarbuite – hoop ek jy het ‘n lekker dag en dat jy lekker bederf sal word.

Dankie vir die inloer/deelneem. Ek hoop jy het ‘n heerlike naweek!

1

2

3

4

5

6

5 Vrae

Mense is darem interessant. Hier tussen die ouer mense word ‘n mens baie duidelik bewus van die half vol en half leeg glas filosofie. Ek bewonder die personeel wat met eindelose geduld al die nukke en grille hanteer. Hier moet ‘n mens mooi dink voor jy iets persoonlik opneem. Ek het so idee dat mense maar hulle lewe lank moeilik/nie-moeilik  is en dat nie veel verander as jy oud is nie.

Baie dankie vir verlede week se deelname aan die 5 vrae. Dit het baie interessante insigte gebring.

1. Hoeveel sakgeld is ‘n ideale bedrag vir ‘n tiener? (Hoeveel kry die tandemuis in die laaste tyd?)  Hoeveel bestee jy aan verjaarsdaggeskenke vir jou kinders? Wanneer moet ‘n kind begin spaar? (onthou jy die spaarkaarte van die poskantoor wat ons by die skole gedoen het?)
2. Gaan jy stem op 3 Augustus?
3. Op watter prestasie van ‘n geliefde is jy die trotste? Hoekom?
4. Gunsteling dis/drankie?
5. Waarom blog jy/ lees jy blogs?

Sondag Kopies

Dis lekker koud in die Bosveld. Ek sit onder ‘n kombers met ‘n warm sakkie – een van die voordele van ouer word, jy hoef nie buite in die koue rond te hobbel om mense te beïndruk nie.

Hoop daar ietsie na jou sin vandag en dat jy darem ten minste sal glimlag.