Sondag Kopies

Ek wonder al die hele naweek hoe ek my minagting in een kragtige woord te kenne kan gee oor een of ander minister wat reken die inwoners van Limpopo wat moet bydrae vir skole wat in Vuvani afgebrand is. Ek kan ook nie verduidelik hoe ek voel oor mense wat verniel en afbreek nie… EN (skuus Lou) sommer mense wat ander met woorde afkraak nie.

Sug nee… kom ons kyk na die kopies en skuif die oogklappe in plek. Hoop jy het ‘n lekker Sondag en dat jy sal glimlag as jy klaar gekies het.

 

Advertisements

Vrydag Byskrifte

Die winter is hier mense. Ons het gister 6mm reën gehad en daarmee het die winter gesê – “Hier is ek!” Hoe lyk die weer daar op jou werf?

Dankie vir die deelneem/inloer. Ek hoop jy het ‘n wonderlike naweek.

1

2

3

4

5

6

5 Vrae – 2

Kan jy dit glo dit reën vandag hier.  Ek het vanoggend sopnat gereën, maar dis sulke los wolke wat so uitsak en dan skyn die son weer.

Verlede week het die vrae baie interessante gesprekke uitgelok. Baie dankie vir die deelneem en saam lees. Ek waag dus weer ‘n paar vrae.

1. Ek weet kinders grootmaak is nie maklik nie, maar as jy een wenk kon uitsonder wat jy vir nuwe ouers te gee, wat sou dit wees?
2. Watter soort aandele sou jy koop as jy geld gehad het… ja, ek weet sommige lesers het baie geld… ek soek jou eerste keuse en waarom? (Eish … hoop nie ‘n taalonderwyser lees die sin nie!)
3. Watter app’s gebruik jy op jou foon? Gunsteling?
4. Wat bestel jy graag in ‘n restaurant? Wat drink jy?
5. Jy word genooi na ‘n kostuumpartytjie – as wat/wie sal jy gaan?

Niemand is verplig om die vrae te antwoord nie, maar ‘n glimlag is verpligtend!

 

Sondag Kopies

Ek is tog so dankbaar dat ek nie vroeg 20e eeu gebore is nie. Ek kyk graag Mr Selfridge en hoewel die vrouens goeie lewens leef, is hierdie onderdanigheid aan die mans vir my een te veel.  Laat my dink aan die tyd toe ek begin skool hou het – as jy trou verloor jy jou permanente pos en sodra die eerste baba op pad is, moet jy ophou as jy sigbaar swanger was… dan was daar ook selde kans om na jou ou pos terug te keer.

Wag miskien moet ons maar nie hierop voortborduur nie.  Hoop jy het ‘n heerlike Sondag en dat daar iets vir jou onder die kopies is en dat jy ten minste sal glimlag.

Jy plant die glo met dop en al dit vorm dan deel van die kompos

Vrydag Byskrifte

Die wind waai hier asof dit Augustus is. Die natuur is darem regtig deurmekaar.

‘n Spesiale waarskuwing vir almal wat van ‘n huis na ‘n woonstel trek.  Jy moet baie mooi dink voor jy goed weggee/gooi, met die gedagte ek gaan dit nie weer nodig kry nie.  Jy gaan die vreemdste goed weer moet aanskaf of leen. Ek het vanmiddag ‘n hark by die sorgsentrum geleen want ek is moeg vir al die klippe en slote waaroor ek moet klim om in my huis in te kom.

Hoop jy het ‘n heerlike naweek. Dankie vir die inloer/deelneem.

1

2

3

4

5

6

5 Vrae

Ek wonder wat jy sal antwoord…

1. As jy 20-miljard Rand het om in SA belê, waar sou jy dit in belê?
2. Ek was gister vir bloedtoetse en die laboratorium was baie besig… een vrou sê: ” Öoooo ek is so bang tot my are kruip weg.” Is jy bang vir naalde, dr.’s en toetse? Waarom?
3. ‘n Ou vrou kom vra in PnP vir R5 met ‘n brood in die hand. Ek s* eers nee, maar die woorde “Ek was honger”Laat my haar soek en geen haar ‘n geldjie.  Wat doen jy as mense jou in ‘n winkel nader vir geld?
4. Hoe uitgesproke is jy?
5. Het jy al vriende/kennisse van jou FB blad afgegooi?  Waarom?

En (Skuus Lou) dan wonder ek of jy al geglimlag het?

Hoë bome wat die wind gebruik

Ek het al gepraat oor dar daar  min dinge is wat my so irriteer as mense wat namens my wil praat en dit nog aan die groot klok hang. Een van daardie mense Sunette Bridges het glo haar goedjies gepak en VSA toe getrek.  Eish, maar moenie dink sy kan haar weerhou om namens ander kommentaar te lewer nie. Die wind wat seker te sterk en toe waai hulle na die groener gras anderkant die draad. Dalk stuur sy elke maand ‘n lekker vet sak $’s om die stomme Afrikaners te help.

Ek kan maar net my kop skud… het jy al geglimlag vandag?