Na dese kan ek sekerlik ‘n besproeiingspesialis word. Ek sal beslis ‘n tyddbesparingswenke kan gee – eish – hulle het die slote seker 20 keer toegegooi en weer oopgegrawe. Dit staan darem einde se kant toe en ons sien uit na ‘n rustige naweek.
Hoop jy het ‘n heerlike naweek en as jy ry doen dit tog veilig. Dankie vir die inloer/deelneem.
1
2
3
4
5
6
Om vandag kinders groot te maak, is voorwaar nie maklik nie. As mens na die pryse van kos, klere en ander basiese behoeftes kyk. trek jou keel toe. In die week se plaaslike koerant word daar berig dat ouers begin sukkel om met die skoolgeld by te kom.
Ek voel vreeslik dislojaal, maar diep in my hart weet ek dat daar beslis ook by skole gespaar kan word. Aan die ander kant wat sal die stomme eerste rygbyspan nie moet ontbeer nie. Die manne moet tog van klein tyd af leer om ‘n ingeligte mening te kan gee oor een of ander afrigter en as hulle nie elke jaar kan toer of op ‘n baan moet speel sonder spreiligte, sal dit afbreuk doen aan hulle manlikheid. (Skuus – ek wou nie gal braak, maar ek wonder al meer en meer tuisonderrig wil ondersteun nie)
Wag kom ons moet darem eers nou glimlag …
Ek het al verlede week gewonder oor die Sondagkopies. Nogal meer mense het gereageer as op die normale inskrywing.
Thys stel die volgende voor:
al het jy net een per week, want dis tog interessant om te sien wat rerig op die winkel rak is. Jy self kan die item “review”
Die tyd vlieg. As jy weer kyk trek ons by Vrydag en volgende week is nog ‘n maand verby. Die lekker van aftree is dat mens nie meer so vol program het nie. Geen vraestelle, geen nasienwerk geen voorbereiding, geen opdragte, geen administrasie. ens, ens …sug… ens. Dis salig.
Dankie vir die deelneem/inloer. Hoop jy het ‘n wonderlike naweek
1
2
3
4
5
6
Met al die jare in die onderwys raak mens gewoond aan vergaderings, wat eintlik eenvoudig is (Datum, tyd, Plek, Agenda). Jy vertel vir mense wat en hoe hulle moet doen of die DEPARTEMENT lees uit ‘n omsendbrief hoe hulle dinge gaan verander en jy kan nie waag om vrae te vra nie, want die antwoorde is gewoonlik dieselfde:
As jy oornag ‘n gawe plan gekry het en jy praat met die hoof, is die antwoord gewoonlik:
Gistermiddag het ons toe ‘n beheerliggaamvergadering op die landgoed. (hou is gedagte my IK is nie baie hoog nie, en die agenda en notule is vir my so deurmekaar soos ‘n blikkie sardyne wat op die grond geval het) Ek hou darem my mond en kniK gepas instemmend op die regte plekke, my kop. Ek kry ‘n geleentheid om die inwoners se klagtes te stel: o.a. die besproeiing-slote en die die miere wat die land oorval het. Ek is heel in my noppies huistoe, want behalwe om te vra wat Telkom se probleem is, weet hulle mos nou. Hulle sal seker oor so maand aandag aan die sake gee.
Vanoggend 07:00 is daar ‘n woeste lawaai en die besproeiing-manne hark aan die klippe dat die aarde bewe EN ‘n ruk later word ek bewus van ‘n vreemde reuk – ‘n man is fluks besig om vir die miere te spuit. Sowaar sulke vinnige diens kry mens nooit in die onderwys nie. (Okei dis nou nie alle maanskyn en rose nie, maar dis lekker as mense dadelik aandag gee aan sake)
Het jy al geglimlag vandag? Ons sal iets daaraan moet doen!
Die week was die kopies wat my pad gekruis het baie skaars en daarom wil ek jou vra wat jy graag by die Sondag Kopies sou wou sien en as jy baie geld kry (dis nou as jou skip aangekom het) wat sou jy graag daarmee koop?
Hoop jy het ‘n wonderlike week – dis amper weer lang naweek!
Dis heerlike herfsdae hier in die bosveld. Werkers is besig om besproeiing-slote te grawe – eish, mens se geduld word tot die uiterste beproef, want vir ‘n persoon wat hou van reguit lyne en gelyk oppervlaktes word jou senuwees tot die breekpunt beproef.
Ek hoop jy het ‘n heerlike naweek. Dankie vir die inloer/deelneem.
1
2
3
4
5
6
Voor my betoog wil ek net vir Sylvia wys dat een van haal vriende ‘n besoek aan die Landgoed gebring het. Hehehehe ons het al om die blok gery om ‘n mooi foto van hom te kry en toe ons gaan stap het hy opgevlieg toe ons nader kom.
Terug by die rede vir die blog. Dis ‘n vriendelike versoek aan kinders wie se ouers in aftree-oorde woon:
Bowe al moet jy onthou dat dit beter is, om positief te bly as om jou lewe te bederf met negatiewe goed. Glimlag?
Oudword is nie vir sissies nie. Ons was vanmiddag by ‘n dame wat verlede week oorlede is se gedenkdiens. Daar is baie mooi goed van haar gesê, maar dit maak nie ‘n verskil aan die feit dat haar plekke leeg is nie. Vir almal wat hier woon was dit die laaste trek en hoewel dit dalk vir jonger mense skrikwekkend klink, is daar ‘n saligheid wat jou laat besef dat die dood nie so erg is nie. Ons leef nie in somberheid nie – in teendeel ons het ongelooflik baie pret en plesier. Al wat ek wil sê is dat die dood net maar ‘n deel van die lewe is.
Genoeg van mistroostigheid – Maandae moet ‘n mens darem glimlag nie waar nie?
Grinnik … ek het nou die twyfelagtige eer om mede-eienaar van drie droë boorgate te wees. Ons sal nou maar sien wat gaan gebeur. Vandat ek hier ingetrek het, het ek al meer gewag as die hele res van my lewe! … SUG… en (skuus Lou) ek doen nie goed met wag nie.
Nou ja, ek hoop daar is vir jou ‘n kopie vandag, maar dink daar is darem ietsie om oor te glimlag ook. Dankie vir die inloer/deelneem.
rondomtaliedraai 
Dit sal oulik wees as jy by Sondag kopies regte produkte opsit, iets wat rerig bestaan maar wat dalk absurd of kontroversièel is. Nie net snaakse karre en dinge nie, los hulle eerder vir die week se randomness.