Sondag Kopies

Ek hoop daar iets vir jou om op jou wenslysie te sit, maar bowe al dat jy sal glimlag.  Hoop jy het ‘n lekker Sondag.

Vrydag Byskrifte

Die weer is vreemd hier vandag.  Sulke dikkerige wolke en die wind waai woes en is soms koud.  Die weerberig het darem ook soms die kat aan die spene beet.

Dankie vir die inloer/deelneem. Ek hoop jy het ‘n heerlike naweek.

1

2

Die twee foto’s is van Vivian Meier

3

4

5

6

Liefdadigheid

Eish … ek is een van die mense wat so kan wroeg oor liefdadigheid.  Ek dink nie ek is die suinigste mens op aarde nie en gee graag ‘n fooitjie of vir mense wat my vra(soms ook nie vra nie), maar dan op ‘n oggend soos vanoggend  is dit of my nekhare regop staan as die man by die verkeerslig met sy stuk karton my aandag probeer kry. Ek ken glad nie sy omstandighede nie maar hy en sy vrou(?) staan baie gereeld op dieselfde plek.

Ek wonder oor die mense en is tien tree verder spyt ek het maar nie ‘n geldjie gegee nie, met om by die volgende verkeerslig die man met  lisensiehouers en ander goedjies te sien… moes ek maar vir hom gegee het? Ek kan darem so wroeg oor hierdie mense. In ons dorp is daar heelwat liefdadigheidsorganisasies en die staat se gesinsorgdepartement het ook ‘n kantoor. Ons het ‘n hele paar skuilings waar jy goedere en geld kan aflaai.  Waarom wonder ek, pla die mense by die verkeerslig my so – omdat ek nie gee nie? omdat ek nie betrokke wil raak nie?  of omdat dat ek eintlik nie saam met hulle keuse van geld insamel stem nie?  Wat voel jy oor die mense op die straathoeke?

Grinnik… ek het toe sommer om my gewete bietjie te flous my naam na 38312 (Afriforum se droogtehulp) gestuur!

Kom laat ons maar afsluit met ‘n glimlag.

 

 

 

Sondag Kopies

Mens is so dankbaar vir die plekke wat lekker reën gehad het. Die damme bly maar leeg. Op sommige plekke het die reën darem heerlike verligting gebring. Ons harte gaan ook uit na die plekke gebuk gaan onder die uiterste weersomstandighede.

Dankie vir die inloer Ek hoop daar is ietsie te kope en indien nie, dat jy ten minste sal glimlag.

Vrydag Byskrifte

Eish… soms is ‘n ‘goedkoop’ winkel glad nie so goedkoop nie. Ek is opsoek na ‘n nuwe tuinslang en ry saam met ‘n buurvrou Makro toe. Wat ‘n teleurstelling 2X so duur as Checkers vir 20 meter!

Hoop jy het ‘n lekker naweek. Dankie vir die deelneem/inloer.

1

2

3

4

5

6

Dood

Ek was vanmiddag by die herdenkingsdiens van ‘n vriendin wat se ma verlede week oorlede is.  Vandag verlang ek weer na my eie ma…

merkwaardige vrou…

Sondag Kopies

Ek het nooit gedink dat ek ooit na die warmte aan die einde van verlede jaar, ek sou vandag kan sê – ‘Nogal koelerig vandag’

Hoop jy het ‘n heerlike Sondag en dat die week ook na jou sin sal wees.  Dankie vir die inloer… hoop die kopies sal jou ten minste laat glimlag.

Vrydag Byskrifte

Vanoggend het ek my derde Chinese tuinslang gaan soek. Die eerste een het ‘n gat in gekry en mens moet met die ding in die hand staan, terwyl die tweede nou die dag ‘n groot gat in gekry het. Ai, ek kan darem al te lekker kuier tussen al die kleure en nuttelose goetertjies. Ek het vir my ‘n USB waaiertjie gekoop en die waai my al te lekker koel.  Dis darem lekker vindingryke mense die.

Nou ja dit voer of dit net gister Vrydag was en hier is ons al weer. Ek hoop jy het ‘n wonderlike naweek.  Dankie vir die deelneem of sommer net inloer. Jy kikker my naweek sommer op.

1

2

3

4

5

6

Aksie-flieks… (18N… wel amper)

Ek hou van aksie-flieks. Dis gewoonlik so ver van die werklikheid af verwyder, dat ‘n mens maar agteroor kan sit en al die manewales kan geniet. Daar is nooit vreeslik bloed te sien nie en jy weet dis sommer net ‘n storie. Ek hou van die spesiale effekte en kan my verlekker aan al die slim planne wat die filmmakers maak.  Sit daarby vir my Tom Criuse en ek kan heel gelukkig my middag geniet.

Wat van jou? Watter flieks geniet jy en wat is jou heel grootste gunsteling.?

Het jy darem al vandag geglimlag?

 

 

Sondag Kopies

Ons her so bietjie reën gehad deur die nag en dit was vanmiddag baie belowend,  maar dit het net in die dorp gereën.

Sterkte vir die eerste ernstige week van die jaar. Dankie vir die inloer … hoop daar is ietsie na jou sin op die lysie vandag.