RSS Feed

Padda Prins

DSCN7458

Met die droogte soek die paddas water in ons tuintjies wat ons wederregtelik bietjie natgooi. Ja, ons spaar so veel moontlik water, maar probeer darem ook ons tuine red.  Ons het darem gister nag so 6 druppels water gehad en vanmiddag het ‘n donderwolk oor die Landgoed getrek  en dit het so effens stofnat gereën – daar word darem vir more reën voorspel.

DSCN7459

Vanoggend terwyl my buurvrou inloer hoor ons ‘n noodroep op my stoep. Deurdringend word daar geroep en ons skuif meubels weg om te soek. Toe ek egter opkyk sien ek die jong prins wat op die randjie van verlede jaar se verjaardaggeskenk sit en roep! Hoe hy daar gekom het weet ek regtig nie… blykbaar klim hulle teen mure op,  maar dit lyk vir my haas onmoontlik.   Hy plas nou vrolik in die klip voëlbadjie rond.

DSCN7457

59 responses

  1. Jou fotos is baie goed geneem, van die padda. Oulik!

  2. Ja, jy kry paddas wat kan klim. Ek was geskok toe ek een aand ‘n padda teen die buitekant van my kombuisvenster sien sit het – ek meen op die glas. Blykbaar kan hulle op enige oppervlatte “plak” en onthou ons woon op die tweede verdieping (woonstel onder ons en motorhuise heel onder). Eerste keer dat ek so iets gesien het. Ag ek hou maar duim vas vir julle reën!

  3. Ag moeder! Hy is te skatlik en kyk net hoe mooi glimlag hy! Hy het geweet hy is nou op die regte plek.😀

    Hier by ons geniet hulle dit net so om in die aand op die stoep rond te hop en party kom kuier sommer binne in die huis vir ons. Dis lekker om hul te hoor gesels in die aande. Ons het ‘n boorgat maar is maar net so versigtig met die water.

    Hier by ons het dit gister ook ‘n paar bly-maak druppels geval maar nog niks verder nie. Dit was wel lekker bewolk. Ons wag net so angstig vir die reën. Die dam is baie leeg.

    Pragtige foto’s Tina.😀

  4. Lyk my die kuiergaste trap jou drumpel deur daar, Tina!

  5. Slim padda – hy weet waar hy goed behandel sal word.

  6. Ek dink hy roep die reën. Hoop jul kry darem nou reën. Nie net n buitjie nie maar gereelde goeie reën. Hier is dit alweer trietsig koud en nat!

  7. 6 druppels regen voor de tuin
    en daar kwam de pad op af , heb ik het goed gelezen
    nu plenzen betekent dus dat het heel veel regent
    http://www.woorden-boek.nl/woord/plenzen

  8. Ag te dierbaar en kyk hoe mooi kamoefleer hy teen die muur!Ai,ek hoop die reën word bietjie meer en nie net ‘n paar spoegies nie!

    • Ek het nooit kon dink hulle kan so hoog klim nie… en hy het ‘n wonderlike stem. Hy het hom glad nie laat afsit deur die beweging nie en het amper self in die boks geklim

      • Ek is altyd bly om ‘n padda te sien.Gewoonlik is dit ‘n goeie aanduiding dat die omgewing gesond is.Omdat hulle so sensitief is,sterf hulle maklik wanneer ‘n ekosisteem versteur word.Niks kom by so ‘n padda-aria nie😄

        • Hy het sowaar oornag weer daar opgeklim en sit al die hele dag daar, maar sê geen kik nie want hy is seker bang ons sit hom weer by die water. Ons voel erg in die gesig gevat!

%d bloggers like this: