Uitstappie

Net nadat ek afgetree het, het ek vurig en vol entoesiasme gereeld met my kamera in die kar geklim en die omgewing platgery op fotogeleenthede.  Ek het selfs met gemak langs ‘n stil pad stilgehou met die selfoon en vaste lens Nikon en my karsleutels in my sak het ek nooit bang gevoel nie.

Nou het sake egter verander en die fotogeleenthede is baie minder.  Behalwe as jy belangstel in die bou van huise in verskillende stadiums, swerms saadeters, blomme in die tuin, sonsondergange,  ‘n paar tiptolle en twee geelvinke het die fotogeleenthede opgedroog. Ek is gewoon te stadig om vinnig in my kar te klim en te ry en gaan dus nie meer uit nie. My Landgoed vriende is almal kamera-sku (Ek neem hulle nie kwalik nie, want mense dink ons is maklike gratis promosie materiaal omdat ons so lekker hier woon!)

Die naweek is ons genooi na ‘n baie spesiale vriendin se 80e verjaarsdagviering op ‘n wildsplaas. Ons is heerlik getrakteer en was selfs op ‘n wild-kyk-uitstappie. Ek deel dus graag ‘n paar foto’s.

Baie dankie aan Adri en Rassie Dit was ‘n baie spesiale dag. Dankie ook aan Tannie Polla wat ons lewens verryk!

Sondag Kopies

Gister het ons ‘n heerlike uitstappie gehad vir ‘n vriendin se 80e verjaarsdag.  Ek sal later van die foto’s deel.

Hoop daar is van die kopies net spesiaal vir jou maar dat jy ten minste sal glimlag. Lekker Sondag vir jou!

Dis nou as jy net genoeg geld het vir ‘n halwe huis?

Vrydag Byskrifte

Ek het vanoggend weer besef – die laaste naweek van die maand (veral as dit ‘n naweek is) moet ‘n mens, as dit kan, uit die dorp uit bly. Die parkeerplekke is ver en dis gewoon ongemaklik besig!

Dankie vir die inloer/deelneem. Ek hoop jy het ‘n heerlike naweek.

1

2

3

4

5

6

Glimlag

Kan jy glo ons het gisteraand so effense reëntjie gehad. Sowaar met donderweer dat ek die rekenaar uitgetrek het, maar vandag is dit warm en alles het verdamp.

Op die braaidag moet ‘n mens regtig ontspan en braai. Vergeet van elke kwelling en geniet die dag.  En (skuus Lou) onthou om te glimlag!

Sondag Kopies

Ek het gisteraand vir die eerste keer in ‘n lang tyd ‘n hele rugbywedstryd gekyk. Jare gelede het ek uit lojaliteit elke Saterdagmiddag op die paviljoen gesit terwyl twee plaaslike dorpspanne dit uitspook. Die manne was oud en stadig en ek het besluit ek hou nie regtig van rugby nie. Gister het ons manne my aan daai tyd herinner.  Dit doen egter nie afbreuk aan die goeie spel van die Japannese nie. Dit was selfs vir my as leek opvallend hoe vinnig en met passie hulle gespeel het.  Dit was amper so vinnig soos ‘n 7’s span.   Vanoggend is die media oortrek met spotprente wat ek baie geniet. Mense is darem lekker vindingryk. Gelukkig is niemand ook doodgemoer nie – so ons hoef dit nie so ernstig op te neem nie.

Intussen(skuus Lou)  hoop ek jy het ‘n lekker Sondag en al is daar dalk nie vir jou ‘n kopie nie, dat jy ten misnste sal glimlag.

 

Vrydag Byskrifte

Ek is laat vandag. Jammer.  Ek is besig met ‘n paar foto-eksperimente, wat nie heeltemal na my sin uitwerk nie.

Hoop jy het ‘n baie lekker naweek. Hulle voorspel ‘n paar druppels water en ons hou maar duime vas.  Dankie vir die inloer/deelneem.

1

2

3

4

5

6

 

 

Ek wonder mos…

my lewe lank al oor sekere goed:

1 Wat is die reëls met fone in die skole. ‘n Leeftyd gelede toe ek nog skoolgehou het was dit al ‘n probleem want jy kan tog nie 800 telefone elke dag toesluit en dan weer in die middae uitdeel nie.

2. Behoort jy so lank moontlik te werk of besef jy dat ‘n mens ‘n rakleeftyd het.  Ek dink (dis ‘n mening so jy mag verskil) dat daar ouer mense in poste sit en of te gemaklik is of nie jonger mense geleentheid gee ‘n groter bydrae te lewer nie. (Selfs die Britse koningin – sy kan mos maar bietjie gaan rus of hoe?)

3. Wanneer laas het jy ‘n boom geplant?  Doen mense nog boomplantdag?

4. Hoekom probeer besighede ander se goeie advertensie-idees kaap. Ek sien die Spar het het nou ook ‘n eieragtige verpakking met ‘n figuurtjie te koop? Onthou jy nog al die goetertjies wat ons ook versamel het.

Het jy geweet?

Die winter is terug in die Bosveld Die wind het ‘n ysigheid, maar ons kla nie want die veld het ‘n groen skynsel.

Ek deel graag weer ‘n paar ‘wyshede’ – onthou ek waarborg nie die navorsing daaragter nie maar hoop jy vind dit so interessant soos ek dit gevind het.

Kan jy dit nou glo…

Sjoe … in my volgende lewe gaan ek so een aanskaf!

Mmmmmm kan baie sexy wees?  Jy kan net nie jou liefdesbriewe bêre nie!

Eish … dit sal nie vir my werk nie!

Oeps en dan kry sy geld daarvoor? Die lewe is darem nie regverdig nie

Grillerig… maar ek wonder darem met al die honger mense in die wêreld!

Sal nie lank in Afrika werk nie

Sondag Kopies

Dis wel bekend dat ek nie die slimste mens is nie en gister het ek na sterk oorweging toe maar opgradeer na Windows 10.  As jy dalk kan onthou het ek so ruk terug opdateer van XP na Windows 8/8.1. Dit het my ego heeltemal geknak … ek is nou nog effe ongemaklik as ek die woord opgradeer sien. Behalwe dat dit letterlik die hele dag geneem het, het die Windows 10 afgelaai sonder enige probleme. Dit lyk asof ek dit darem sal baasraak al sit allerhande goed nou weer op ander plekke.

Hoop daar is ietsie vir jou tussen vandag se kopies. Indien hoop ek darem vir ‘n glimlag.

 

 

 

 

Vrydag Byskrifte

Oooooo dis salig stil hier op die Landgoed – dis die bouers se af naweek en dan vertrek hulle al Donderdagmiddag Nelspruit toe. Ek kan jou nie vertel hoe lekker dit is nie.

Hoop jy het net so lekker naweek. Dankie vir die inloer/deelneem.

1

2

3

4

5

6