Sondag Kopies

As mens aftree bestaan die meeste van jou nagtelike aktiwiteite uit TV kyk, lees en soms gaan jy uit om ‘n paar nagfoto’s te neem. Jy gaan nie eintlik  ‘UIT’ nie , daarom was gisteraand toe ons buurvroue besluit om bietjie Tjainiieees wegneem te gaan koop ‘n ware uitstappie.  Sowaar daar is ‘n lewe snags daarbuite.  Die gewoonlik bekende rustige PnP wemel van die mensdom. Kindertjies hol  en die mense koop dat dit klap.  Selfs Comrade Malema in ‘n groen hempie met sy veiligheidswag wat die trollies stoot dwaal daar rond.  Sjoe – miskien beteken dit Tinatjie moet bietjie meer uitkom?

Hoop daar is ietsie vir jou om te koop die week. Indien sal ‘n glimlag darem ook al help.

Vrydag Byskrifte

Iemand het ‘n ernstige verwronge idee van my belangstellings – ek kry die week die volgende scam epos:

Your RSA Email has won R1.5M and a trip to England to watch the 2015 Rugby World Championship Games with E-Ticket ENG/RWC/SA/SBK/09/2015. Contact; phnath.rwc@gmail.com or 00447937388001. T’s and C’s apply!

Sal ek no0u spesiaal Engeland toe vlieg om te gaan rugby kyk. Nee dankie al huur julle vir my ‘n Gupta straler!

Intussen het ons die heerlikste lente dae in die Bosveld. Ek hoop jy het ‘n lekker naweek.  Dankie vir die inloer /deelneem – jy kikker altyd my naweek op.

1

2

3

4

5

6

Klippie in die skoen

Die van julle wat my ken weet dat ek reeds vanaf 2006 blog en dat dit bedoel was as ‘n ernstige onderwys blog oor dinge wat mens/ons in die onderwys moet verander. Daarvan het nie veel gekom nie.  Die naam sou wees – ‘n Klippie in die skoen en ek en ‘n vriendin het vir ‘n oefenlopie Grappies op ‘n stokkie geskep min wetende dat mens dit nie kan verander nie.  Ek is egter bly dit het so uitgedraai – die Klippies in die skoen is darem net te erg negatief.

Vandag het ek egter regtig ‘n paar ware klippies in my skoen:

1. Het jy die nuwe CELL C advertensie gesien. Goeie genugtig is dit nou nie onsmaaklik nie? Ek kan nie verstaan dat mense betaal vir sulke swak advertensies nie.  In vergelyking met Telkom se oulike babatjie advertensie steek dit darem sleg af.  Ek wonder wie is hulle teikenmark?
2. Ons is besig om te verdrink in verpakkingsmateriaal. Ek koop graag bran muffins en die goed is sowaar driedubbel verpak. Waarom die doen die verskaffers dit. Dit stoot net die prys op en doen net niks vir die omgewing nie.
3. Ek verstaan nie mense wat reken hulle is beter gemaak as ander nie. Mense gaan ‘n groot verrassing in die hemel kry… dis nou as die haat en nydigheid jou daar gaan kry.
4. Ons het ‘n baie oulike verpleegsuster verloor… ons is regtig jammer. Die lewe gaan egter aan en ons gun haar ‘n beter betrekking maar dis sleg vir ons.

Nee, wag voor ek ook heeltemal negatief word, wat van ‘n glimlag:

Sondag Kopies

Bewolk met ‘n fris luggie hier in die Bosveld!

Hoop daar is ietsie op die lysie wat jy kan aanskaf of ten minste oor kan glimlag.

Het jy geweet?

Hoop hier is te lere en ten minste dat dit jou sal laat glimlag.

Mens moet dalk ‘n plan maak… kan mens dit ruil vir brood?

Laat mens dink nê… Het hulle ‘n goeie werk daarvan gemaak?  Waarom het hulle die ander lande uitgestof? Frankryk Portugal en Nederland?  Was hulle dalk bereid om oorlog te maak?

Grinnik… wonder of hy onderhoud betaal het!

Ek ken mense wat verwant is aan krappe.

Vrydag Byskrifte

Dis die heerlikste dae hier in die Bosveld. Of dit so sal bly is natuurlik ‘n ander saak.

Hoop jy het ‘n lekker naweek. Dankie vir die inloer/deelneem.

1

2

3

4

5

6

Kompetisies

Ek het al vertel ek hou van realiteitsprogramme, maar is nie blind vir die tekortkominge nie.  Musiekkompetisies is rakleeftyd is vir my verby en ek kyk nie meer Idols of The Voice nie.  Ek geniet egter British got Talent – hoofsaaklik oor die verskeidenheid.

Daar is egter ‘n paar vrae waarmee jy my dalk kan help:

1. Hoeveel tel persoonlik smaak?  Dit lyk nie of die beoordelaars ‘n lys van vereistes het nie.
2. Waarom word sulke verspotte goed altyd ingesluit? Is ek so verdroog dat dit net nie vir my snaaks is nie. Dit neem tog die plek van meer verdienstelike deelnemers.
3. Hoe vergelyk ‘n mens uiteenlopende items? Persoonlike smaak?
4. Ek is seker daar is letterlik duisende mense wat nie eers uitgesaai word nie, hoe word die swak inskrywings gekies  (dis die jaar nie so erg nie – maar om mense te verneder is net nie vir my snaaks nie)

Goed as jy nie kyk nie en jy het nie ‘n mening hieroor kan jy gerus maar glimlag

 

Sondag Kopies

As iemand ‘n lekker resep het vir water in my suikerbekkie-bottel (ek het dit present gekry) sal ek regtig baie bly wees. Daar was ‘n mengsel wat saam met die bottel gekom het maar ek weet nie waar mens nog daarvan koop nie.

Ek hoop daar is iets wat jou aandag trek by die kopies, maar dat jy darem sal glimlag ook? Lekker dag!

Vrydag Byskrifte

Oooo dis die heerlikste dag buite EN die bouers is die naweek af. Dis doodstil en ongelooflik salig.

Dankie vir die inloer/deelneem. Hoop jou naweek is net so lekker.

1

2

3

4

5

6

Van alles en nog wat!

Eish … die dekselse Firefox. Skryf ‘n hele blog en daar gooi dit alles weg behalwe die opskrif. Die lewe is dare onregverdig.

Nou sal ek maar net glimlag.