Road Trip – 3 – Gastehuise

Met die sokker wêreldbeker het gastehuise in Polokwane en omliggende dorpe opgeskiet. In Polokwane staan van die gstehuise soms die hele week leeg, maar in Tzaneen lyk dit of hulle fluks besigheid doen. Toe ons by die gastehuis kom waar L bespreek het, besef ons dat die trappe net nie die plek toeganklik maak nie en ons bel rond en verneem dat twee gastehuise volbespreek is, maar kry toe plek teen ‘n baie billike plek waar ons ‘n hele woonstel vir onsself gehad het.  Ek deel bietjie ‘n paar foto’s.

 

Goed, dis nie super luuks nie maar dit was skoon en ons het elk ‘n kamer vir onsself gehad.

Ek is altyd nuuskierig wat mense teen die mure het en hoe die meubels lyk en met die allergoedkoopste DSTV pakket was die een nag heel doenbaar.  Die besoeker was die volgende dag op die gras.

 

Road trip – 2 – Letaba stasie

Ek het in die verlede al hier afgedraai en toe die geskiedenis opgespoor, maar kan dit nou nie weer opspoor nie. Die stasietjie is net langs die hoofweg R71 geleë. Verlede jaar was die gras afgebrand en ons het net vinnig stil gehou vir foto’s. Nou is dit lekker ruig en mens kan nie so opsigtelik van die pad af gesien word nie.  Ek kon lekkker foto’s neem en L het heerlik  tussen die spoor afval rondgesoek na goed om huis toe te neem. Ons het die kar volgelaai.

 

 

Die murasies is nie bereikbaar nie, maar as ek my feite reg het, was dit ‘n baie statige onthaal lokaal waar daar funsies gehou is.

Dis darem so jammer dat die stasietjies die land deur so in onbruik verval het.

Kyk bietjie na die bome … is dit miere op die stamme?

Sondag kopies

Dis koel hier op die landgoed vandag. Ek het gehoop ons kry nog bietjie reën maar die kanse lyk maar skraal.

Dankie vir die inloer – ek hoop daar is ‘n kopie waarvan jy sal hou en indien nie darem ietsie wat jou laat glimlag.

Die het ek by ‘n mede-blogger gegaps!

 

Road Trip – 1 – Amarula

Ek het voor die uitstappie vir ‘n oud-blogvriendin wat nou in Phalaborwa woon gevra watter besienswaardigheid mens nie kan mis mis nie – dis nou die Kruger Wildtuin uitgesluit. Sy beveel toe die Amarula Lapa aan.

Wat ‘n lekker verrassing. Die Amarula Lapa is net so 4km van die hoofweg af op R40. Wat my die meeste getref het is die kraak netjiese omgewing. Dis net ‘n  lapa in die natuurlik bosveld. Die fabriek is net in die seisoen oop.

 

Ons is genooi om na die 8min video te kyk en terwyl ek myself as ‘n ekspert (duisende jare se skool uitstappies  maak van jou ‘n ekspert)  beskou,  was hierdie regtig uit die boonste rakke. Die seisoen strek van Januarie tot Maart en almal mag marulas optel en hulle word R1 ‘n kilo betaal.  Die pitte word uitgehaal en dit word verpulp en daarna Kaap toe gestuur vir die brou van die likeur.

Jy kan middagete daar geniet en ek sal dit beslis volgende keer oorweeg.

Hier kry mens respek vir die natuur. Die bome word geïdentifiseer en die verbintenis met die olifant is oral sigbaar.

 

 

Ek het vir die Landgoed vriendinne ‘n leksektjie saam gebring en hulle is heel vrolik! Volgende keer as jy daardeur jaag Wildtuin toe, kan jy gerus hier afdraai – jy sal nie spyt wees nie.

 

Road Trippy

Ek gaan more en Donderdag op ‘n klein Road Trippy!

Soet bly!

 

Klippie in my skoen

Vandag het ek ‘n klippie in my skoen, maar jy moenie dink ek het nie die allergrootste respek vir mammas met klein kinderjies nie. Ek dink egter trolliebouers moet iets aan die probleem doen. Mammas laai hulle kindertjies in die trollie met skoene en soms poefdoeke en dan sit die sieletjies op die plek waar ek netnou my kos moet pak. Sug… dis regtig vir my grillerig. Dan moet ek ook sê mens moet nie ten intensief na winkeltrollies en mandjies kyk nie, want dit gee aan die woord SKOON ‘n heel nuwe betekenis .

Terwyl ek nou so aangaan … ek gee baie getrou aan ‘n karwag ‘n geldjie want hoewel hulle nie te veel doen nie, werk hulle tog onder moeilike omstandighede.  Wat my egter grief is dat van hulle staan en rook. Eish – by een sentrum werk ‘n man en sy vrou en hulle staan altyd en rook. Wat kos ‘n pakkie sigarette?  Wel ek gee hulle altyd minder as wat ek vir die gee wat ek nie sien rook nie.

Ok, al my poppe is nou uit die kot! Kom ons glimlag maar liewer.

Sondag Kopies

Interessant hoe ‘n mens se lewe verander . Ek het vanmiddag opgemerk hoe baie van ons gesprekke oor kos gaan.  hehehe … ek het nog nooit so baie gekyk wat op ander mense se borde gebeur nie. Ons is soos kinders – amal kry kos volgens hulle dieëte en as daar iets op jou bord is waarvan jy minder hou, kyk jy verlangend na T annie A se bord en wonder of sy nie lus is om haar worteltjies te ruil nie. Ons het baie pret! (ag en jy kan maar jou weerhou om ons as verspotte klomp ou mense af te maak – jy is net jaloers!!!!)

Die kopies is effe laat, maar ek hoop jy sal daarvan hou. Indien nie hoop ek jy sal ten minste glimlag.

 

 

Virseker soek Boer ‘n Vrou

 

Dink jy die Boere en die vrouens is gekies omdat hulle polisse by virseker het?  Ek hou van die skapies adevertensies!

Vrydag Byskrifte

Sjoe die Vrydag het vinnig gekom. Mens kan nie sê dis somer nie… hier waai ‘n koue wind deur die Landgoed!

Dankie vir die inloer/deelneem. Geniet jou naweek!

1

 

2

3

4

5

6

Glimlag

 In my many years I have come to a
conclusion that one useless man
is a shame, two is a law firm,
and three or more is a congress.
— John Adams 

If you don’t read the newspaper
you are uninformed, if you do
read the newspaper you are
misinformed.

— Mark Twain 

 

Suppose you were an idiot. And
suppose you were a member of
Congress. But then I repeat
myself.

— Mark Twain

 

 

I contend that for a nation to try to
tax itself into prosperity is like a
man standing in a bucket and
trying to lift himself up by the
handle.

–Winston Churchill 

 

A government which robs Peter to
pay Paul can always depend on
the support of Paul.

— George Bernard Shaw

 

A liberal is someone who feels a
great debt to his fellow man,
which debt he proposes to pay off
with your money.

— G. Gordon Liddy