Ai die tyd van die jaar is dit ‘n dolle gejaag. Om vir seker mense ‘n geskenkie te koop is darem so moeilik. Geskenke soek is vir my lekker want ek doen moeite om iets spesiaal te kry en die soek is soms lekkerder as om dit te gee. Ek sukkel darem altyd om iets vir mans te kry.
Hoe soek jy geskenke? Hou jy daarvan? Dalk sien jy hier iets ouliks… indien nie hoop ek dat jy ten minste darem sal glimlag.
Wanneer ek by die kleuropdrag van die fotografie kursus kom maak ek altyd ‘n draai by die Kwiltwinkel. Ek is regtig nie baie kunstig nie, maar ek dink ek het ‘n redelike aanvoeling vir kleur en prentjies. Kleur van enige aard laat my altyd goed voel. Ek dink ek droom ook nie in woorde nie maar in prentjies.
Ek deel graag die volgende foto’s met jou.
Gelukkig was daar ook ‘n handwerk uitstalling … as ek ‘n kind was sou die speelgoed wel my in die sewende hemel gehad het.
Die kwilte is natuulik ook vir my wonderlik om te aanskou… dan mense so vreeslike werk sal aanpak, is vir my brein net te veel.
Die rakke met garings en wolle is vir my ook heerlik en ek sou graag van van elke kleur wou koop
Sjoe, aan die einde van die maand so voor die skoolvakansie en Kersfees. Gelukkig is die winkels hier in die Noorde minder oordadig met Krismis goeters.
Dankie vir die inloer/deelneem. Hoop jy het ‘n heerlike naweek.
1
2
3
4
5
6
Vir jare lank het ek dou voor dag die koerant gaan koop wanneer die uitslae gepubliseer is, en met die laaste puntestaat van die gr. 7’s gesit en elke naam gesoek. So het ek saam gejuig met elke onderskeiding en nogal moeite gedoen om die te soek wat ek nie kon kry nie. My hart was erg seer wanneer ek die enkeles onthou wat in die 5 jaar wat oorlede is. Dis ongelooflik lekker om kinders te volg … as hulle blom en hulle volle potensiaal bereik. Daarvoor het ek oorspronklik ook my FB profiel oopgemaak (die speletjies en kuier met tydgenote en bloggers het later gekom)
Ek verneem egter dat vanjaar slegs die eksamen nommers en ID nommers geplaas gaan word. Ek verstaan dat daar foute insluit en met die toestand waarin die onderwys in ons land is, is daar seker talle foute. Om egter te dink dat dit hartseer sal verminder weet ek darem nie. Watse verskil is daar nou in of jou nommer nie daar is en of jou naam nie daar is nie. Goed, jou vriende en familie sal nie weet nie, maar verminder dit die teleurstelling. Sug… nee ek weet nie. Al wat ek weet is dat my pret nou daarmee bederf is.
Wat dink jy van die gebruik om die name te publiseer?
Sommige mense gaan ‘n vreeslike verrassing kry as hulle in die hemel kom. Daar gaan baie mense wees wat hulle nou reken is benede hulle.
Ons het altyd geleer dat tyd kosbaar is en dat jy dit nuttig moet gebruik. Ek het egter ‘n paar vra:
(Hou in gedagte dat ek nie praat van mense wat nog ‘n beroep beoefen nie – dis vrye tyd waarvan ek praat)
1. Wat is nuttige tydsbesteding?
2. As ek ‘n speletjie speel mors ek meer tyd as wat ek ‘n storieboek lees?
3. As ek ‘n kaartjie maak wat ek nooit gebruik nie – mors ek tyd?
4. Moet die tyd wat ek gebruik op iets wat vir my lekker is, maar wat nie waarde toevoeg tot ander se lewens nie, is dit vermorste tyd?
5. Wat dan van kuier met vriende? Dis nie eintlik nuttig nie?
Waarom sê mense dan: Ek het nie tyd om te blog/speel/brei/kuier/scrap/lees, ens. nie. Is jy heeldag en aldag besig om te werk? Waarom laat jy mense wat wel blog/speel/brei/kuier/scrap/lees, ens. voel asof hulle hulle tyd mors?
Daar is darem niemand wat ‘n uitstappie so kan uitrek soos ek nie. Daar is nog baie foto’s maar ek het besluit genoeg is genoeg. Jou oë sal later traan van verveling.
Die meeste van julle weet van die dorpie in die Wolkberge – Heartsburg. Daar is die lekkerste fotogeleenthede. Op die hoek van die straatjie is die oulikste tweedehandse boekwinkel met allehande interessante gemorsies om te koop.
Langsaan is ‘n klein boutique waar ek altyd ‘n kledingstukkie te koop kry – met pampoene op die dak.
Dis beslis ook ‘n stilhou plek as jy weer verby jaag Wildtuin toe. Ons het daar ook ‘n heerlik middagete geniet. Ek het met spyt verneem dat die pannekoekplek toegemaak het.
Ons wag nog vir die reën, die nagte is verrassend koud vir November en ons wonder daaroor.
Hoop jy het ‘n heerlike naweek en dankie vir die inloer/deelneem. Dankie jy kikker my naweek op.
1
2
3
4
5
6
As hierdie inskrywings jou irriteer vat maar verby… dis persoonlike gedagtes soos in ‘n dagboek.
Ek het jare gelede my DG Elite groepie (leerling met ‘n gemiddeld bo 80%) elke maand op uitstappies gevat. Ons het ook die teepalntasies(Sapekeo) naby Tzaneen besoek en is deur die fabriek geneem. Dit was ongelooflik indrukwekkend. Die hele plantasie was heldergroen en daar was nie ‘n blaartjie uit plek nie.
Later het ek en ‘n vriendin weer daar ingedraai en omdat ek foto’s van ‘n murasie moes hê, stilgehou – ons het rondgedwaal en foto’s geneem, tot ‘n weelderige Mercedes agter die murasie uitvlieg teen ‘n stink spoed met ‘n man en vrou in. Ons het ons lam geskrik en later gelag toe ons allerhande stories uitgedink het waarom die tweetjies juis daar weggekruip het. Toe reeds was die plaas al besig om te verval.
Toe ons egter nou weer daar indraai vir ‘n drinkdingetjie en ‘n paar foto’s, was daar min te sien van die vroeëre glorie. Alles is vervalle. Dis darem ‘n groot teleurstelling. Dit lyk of die fabriek gesluit is. Daar was geen plukkers te sien in die lande nie. Sommige teelande sit vol groot uitgegroeide lote. Die watervate is vervalle en stukkend. Dis regtig ‘n groot teleurstelling.
Let us be grateful to people who make us happy,
they are the charming gardeners
rondomtaliedraai 