Jy moet nou nie al die reën vir jouself hou nie. Dis droog en warm in die Bosveld. Dankie vir die inloer en deelneem – ek sien elke weet uit na jou byskrifte.
Die foto’s is nie myne nie, maar het so in die loop van die week my pad gekruis.
1
2
3
4
5
6
Hoop jou naweek is lekker net soos jy dit graag sal wou hê!
Die tyd vir wonderwerke is nog nie verby. Vanoggend loer ons in by ‘n Kersmark by ons gunsteling teeplekkie en daar kry ons al drie ‘n sms wat wys dat ons die nuwe ID-kaarte kan gaan afhaal. Presies ‘n week- in Afrika? Ongelooflik?!?
Dit gaan oor permanente poste. Poskantoor wou
a. Van sekere poste ontslae raak
b Groot gedeelte van die tydelike (kontrak) permanent aanstel
c Multi termyn salaris ooreenkoms aangaan
Dit klink nou miskien logies vir jou en my maar ek het nie meer kontakte daar om die ware storie van die aanwending vas te tel nie
Met die egskeiding van pos en telekommunikasie was hul in die bes moontlike posisie geplaas. Alle geboue wat hulle alleengebruikers van was is aan hulle oorgedra. Alle gedeelde geboue is aan hulle oorgedra met mediumtermyn huurkontrakte vir die spasie wat Telkom gebruik. Alle lening is na Telkom toe oorgepaas en was binne vyf jaar afbetaal. Alle voertuie is aan die spesiaal gevormde bestuursmaaskappy oorgedra. en lewenshuur en onderhoud kontrakte was opgestel teen tariewe wat 2% meer was as die aankoop, onderhou en bestuurskoste.
‘ n Hele paar onnosel besluite soos die verkoop van 90% van die eiendom. Die kansellasie of nie hernuwing van posvervoer kontrakte. Vervanging van meubels en toerusting op geen vaste skedule en van BEE verskaffers.
Ek wil nie waag om te voorspel wat gaan uiteindelik gebeur nie maar ek glo nie dit sluit privatisasie in nie.
Miskien moet ons maar styf duime vashou vir nog ‘n wonderwerk.
Vanoggend besluit ek om na drie weke weer ‘n draai by my posbus te maak en vind dit dolleeg … behalwe vir ‘n hernuwingkennisgewing vir die posbus. ‘n Hele R550 – is dit nou die kool die sous werd? Ons het nou vir amper 3 maande nie ‘n stukkie pos ontvang nie en die einde van die staking lyk nie in sig nie.
Ek het die kwartaal nie ‘n leserskring katalogus ontvang nie en kry al sms ‘e dat die sluitingsdatum aan kom. Om alles te kroon moet mens nou R35 vir die koerier vir ‘n enkel boek betaal. Dan kan jy net so wel die boek in die boekwinkel gaan koop en jy hoef ook nie te wag nie. Dis regtig net of mense so ongeërg is – almal trek skouers op en daar word net niks aan gedoen nie.
Het jy ‘n posbus… wat doen jy met belangrike dokumente? Is jou besigheid van die posdiens afhanklik? Wat gaan jy met jou posbus doen?
Hoop jy het ‘n heerlike Sondag Hier waai die wind asof hy betaal word.
As daar nie ietsie te koop is op die lysie vandag, hoop ek dat jy darem sal glimlag!
Hierdie deurknop skakel outomaties die ligte en tv af as jy die deur agter jou toe maak!
As mens weer sien is die Vrydag weer voor die deur. Hoop jou naweek is net so lekker soos jy dit graag wil hê.
Dankie vir die inloer – deelneem!
1
2
3
4
5
6
Gistermiddag ruk 4 van ons op na die plaaslike kantoor van Binnelandse sake. As mens in Limpopo woon moet jy weet dat dit gewoonlik soos Midde Afrika lyk daar. Gewoonlik word net een of twee rekenaars beman en alles gebeur teen ‘n stadige spoed. (As jy nie weet nie – pensionarisse kry die nuwe kaart ID gratis as jy voor 31 Oktober aansoek doen.
Wat ‘n aangename verassing. Daar was regtig nie rye mense nie. Daar was seker so 8 mense voor ons in die ry. Al die rekenaars was beman en alles is elektronies afgehandel. Jy hoef niks behalwe jou ID Boek en bewys van jou adres te bring. Hulle neem foto’s wat direk op die rekenaar gelaai is en jy teken op ‘n elektronies tablet. Jou vingerafdrukke word ook elektronies geneem… en dit werk baie beter as die by die verkeersdepartement! Nee wat … daar is hoop as die so gaan.
Hoe lyk jou sin vir humor. By die fotoklub waar ek deelneem, sit ek elke dag ‘n grappie by wat beteken dat ek elke dag een moet soek wat by die onderwerp pas. Ek het so in my soektog uitgevind dat daar ongelooflik baie kru en onsmaaklike grappe in Afrikaans is. Is daar nou regtig mense wat dit snaaks vind? Aan die Engelse kant is daar ook heelwat sulke webwerwe maar dis of daar meer skoon onskuldige grappies beskikbaar is. Aan die ander kant klink seker vloekwoorde in Engels darem effens sagter. Shit klink na ‘n wasversagmiddel en Ass na iets waarmee jy kompos kan maak.
Wat flieks aanbetref sukkel ek ook maar … Ek hou nie van Woody Allen nie… en slaptiek verstaan ek nie. Ek het twee buurvroue en ons lag baie, maar dis nie vir grappies nie. Ons lag oor alledaagse goed … maar grappies… nee ons kan hulle nie eintlik onthou nie.
Waarvoor lag jy? Is jy iemand met ‘n sin vir humor?
Mmmm die nagte hier is nog koel. Die dae is egter regtig lekker as mens net die wind kan misloop. Ek is seker dat ons nog eendag gaan opstaan en dan het die wind Polokwane tot by die see gewaai… dink net ‘n lekker see-uitsig!
Hoop daar is iets vir jou by vandag se kopies – al is daar net iets wat jou laat glimlag. Geniet jou dag
Dis ‘n koel dag hier op die Landgoed en weer Vrydag. Dankie vir jou inloer en/of deelneem.
Die foto’s is nie my eie nie, maar ek hoop jy sal hulle net soos ek geniet.
1
2
3
4
5
6
Ek sluit die middaguitstappie af met nog ‘n paar foto’s. Dankie vir die saamkyk/lees.
Eish Ek is jammer ek het die horings afgesny…
Die twee het geveg onder die sproeiers maar ek was te laat vir ‘n pragtige foto
rondomtaliedraai 