Misdaad

Die landgoed was gisternag vir die tweede keer deel van die misdaad statistiek… Vir die tweede keer is by die sorgsentrum ingebreek. Miskien moet ek na my versekering kyk, want een man se karvenster is ook gebreek en goedere is uitgesteel.

Verlede week het die ontwikkelaars juis met ons vergadering gehou en ek het in my heel beste Ingels verduidelik dat ons bekommerd is oor die personeel se veiligheid.  Die plek het mure plus elektriese drade en wagte … eeeeeemmmmmm … dream on… Die Tv van die Sorgsentrum is nou vir die tweede keer gesteel plus die rekenaar en geld en… en… en…

Mens is gewoon nêrens meer veilig nie.

Another pic of the item found on the suspect in Wierda Park x2 last night.

Apparently it is used to test whether the electric fences are on and to disconnect the wires. (Unconfirmed tho)

Photo supplied by CCC Patroller/Reaction team member

Sug…

Saying nothing… sometimes says the most.

Emily Dickinson

Vrydag Byskrifte

Die was ‘n vreemde week met vakansiedag in die middel … dit voel soos ‘n tweede Vrydag in die week. Dankie vir die inloer/deelneem – jy kikker so sommer my hele naweek op

1

2

3

4

5

6

Die foto’s is nie my eie nie en is van die internet geleen!

Modelle

Een van die heel lekkerste dinge van fotografie is wanneer ‘n mens ‘n model kry wat ‘n natuurlike aanvoeling het. Vanmiddag het ek so fotosessie gehad met een van my gunsteling modelle. Ek deel graag ‘n paar foto’s.

En een uit ‘n vorige sessie…

Sondag Kopies

Dis vir my goeie nuus dat die SABC die Afrikaanse nuus weer terug gaan skuif na 2 om 7-uur.  Daar is darem nog soms dinge wat mens laat glimlag in die NUWE SA.  Slegs om hierdie rede sal ek my TV-lisensie betaal.

Hoop daar is darem ook iets om oor te glimlag .

 

 

Vrydag Byskrifte Uilplesier

Dit lyk na reën hier in die bosveld. Dis die lekkerste lekker om op so middag afgetree te wees. Ek het vanmiddag na middagete op my bed gaan lê en ‘n barshou geslaap…. ooooooo dis sooooooo lekker. Wat ek vannag sal doen weet ek nie.

Dankie vir jou inloer/deelneem. Hoop jy het ‘n heerlik naweek.

1

2

3

4

5

6

Gaan kyk gerus na die oulike artikel

http://www.somuchviral.com/21-adorable-owls/

Erfenisdag

Wat doen jy die jaar op Erfenisdag? Braai jy? Hier op die landgoed het ons so effense sosiale klub… ons koop so ietsie vir elke verjaarsdag en het dan ook ‘n geldjie om vir lede ‘n blommetjie te koop as hulle ‘n geliefde verloor of ‘n afskeidgeskenk ,ens.  Die uwe is in beheer van die geld.

Ons is nou al 17 inwoners en omdat ons net ‘n piepklein braaiertjie het, het ek vir hulle gesê die een wat die eerste die woorde ‘braai’ of ‘braaivleis’ sê gaan die funksie reël… grinnik… nou is almal stroopsoet. Ek het egter vanoggend pakkies biltong gaan bestel en beplan om die uit te deel. Elke pakkie kom dan ook met ‘n oulike Afrikaanse grappie – wat mos ook tradisioneel is.

Sondag Kopies

Ek dink vandag gaan daar iets wees waarin jy gaan belangstel. Daar is ‘n paar wat ek nie sal omgee om te besit nie.

Hoop jy het ‘n lekker naweek.

Vrydag Byskrifte

Al weer Vrydag… Dis warm in die Bosveld. Die kraaie gaap …

Dankie vir die deelneem/inloer. Ek hoop jy het ‘n heerlike naweek.

1

2

3

4

5

6

Eeeeeeuuuuwwww

Ek kyk vanoggend ‘Four Weddings’ – dis die program waar vier Britse Bruide mekaar se troues bywoon en dan evalueer. Die een wat die meeste punte kry, wen dan ‘n heerlike wittebroodvakansie. Dis sekerlik nie almal se koppie tee nie, maar ek geniet nogal die getjommel.

Vandag was een van die troues egter die van ‘n nudis … ek het eers gegiggel en daarna het my mond oopgehang van ongeloof – soveel van kaal mense het ek nog nooit bymekaar gesien nie. Eish … ek is seker ek gaan sleg slaap vanaand … as ek my oë toe maak flits al daai prentjies verby…

Miskien moet ek oor iets anders glimlag.