Die winterwind loei om die hoeke … die stof wolke dwarrel – die asblik het uit my agterstoepie gewaai en ek moes agter die goedjies aanhol. My verkoue is egter beter (dankie tog)
Hoop jy het ‘n heerlike naweek. Dankie vir die deelneem/inloer.
1
2
4
5
6
Die week gebruik ek die pragtige foto’s van Frans de Waal
Waarom kies Fliek resensente om die treurigste flieks in tydskrifte te plaas. Die week word die fliek Sex Tapes in die Huisgenoot geresenseer deur Leon van Nierob Hy raai lesers sterk aan om die fliek nie te gaan kyk nie. Waarom dan nie liewer ‘n ander een resenseer wat meer in mense se smaak sal val nie?
Mnr Google gee ‘n langerige lys van flieks wat tans vertoon word? Waarom dan nie ‘n beter kieuse maak of is dit maar net om die spasie in die tydskrif te vul? Dis vir my so onproduktief!
Miskien moet ons liewer maar bietjie glimlag…
My stoepie het die week sy TV debuut gemaak. Omdat ons die eerste inwoners van die Landgoed is, dink al wat leef en beef dat ons vreeslik gevlei moet voel om in al wat ‘n koerant of op elke hoek en staat te verskyn. Toe nou nie. Ons voel as dit gaan oor ‘n fondsinsameling is dit dalk iets om te oorweeg, maar andersins word ons net gebruik vir goedkoop promasiemateriaal. Al wie daardeur verryk word is die ontwikkelaars en eiendomsagente.
Verlede week het die TV span van Kyknet se Ontbytsake hier deur gewoerts-warts en ek het gesorg dat ek rustig by ‘n vriendin koffie drink. Kyknet het darem ‘n dankie-brief gestuur, maar van die ontwikkelaars hoor mens niks. Al die insetsels is egter niks anders as advertensies nie en dit het hulle aanmekaar gesit met ‘n foto’tjie van die die museum en die wildtuintjie in die dorp. Aan die ander kant wat weet ek nou… grinnik net dat die tafeldoekie maar erg skeef hang!
Vandag waai die Bosveld heeltemal weg… dis ‘n stormwind! Dankie vir die inloer/deelneem. Die foto’s is nie my eie nie en is van die internet versamel.
Hoop jy het ‘n lekker naweek!
1
2
3
4
5
6
Is daar ‘n plek waar ek al die pop up advertensies kan afsit. Dit maak my mal en dit maak my rekenaar so stadig dat ek maklik twee keer per dag moet reset. Soms terwyl ek lees aan jou blog pop die ding op en as ek dit toemaak maak ek sommer jou blog ook toe … ek is meer as ooit gefrustreerd. Ek het nou twee keer Firefox uninstall en gelukkig my soek funksie terug maar die pop-ups is meer as ooit!
HEEEEEELLLLPPPPPP asseblief!
Hier op die platteland is dit ‘n groot gebeurtenis as daar ‘n nuwe winkel oop maak, maar ‘n nuwe Mall het die mense in rep en roer en hulle ry van die naburige dorp om die nuwe geboorte te besigtig. Die kasregisters klingel en die karre en bakkies word gelaai.
Saterdag besoek ek ‘n vriendin toe die nuwe Chinese Mall wat hier oopgemaak het. Sjeezzzz soveel van kleurvolle goedjies het jy nog nie beleef nie. BAAAAAIIIIEEEE handsakke en komberse en dit lyk na ‘n groot Crazy Store! Ek het darem ‘n paar lekker kopies gemaak.
Gemmer tee teen R10 goedkoper.
Rolletjie lint vir kaartjies R8 en R10 ‘n rolletjie
‘n Pak besonderse bruin kartonne.
Lekker groot mooi geskenksakke teen R5.50 een Spotgoedkoop!
Ons het net besluit dat partytjie plekke en ander winkels beslis ‘n knou gaan kry met die nuweling in die dorp.
As mens weer sien is dit sowaar weer Vrydag. Dis heerlike sonskyn dae hier in die Bosveld. Dankie vir die inloer of/en deelneem. Jy kikker altyd my naweek op.
Lekker naweek.
1
2
3
4
5
6
Alle foto’s is van Pinteress geleen
Gister kom ‘n predikant vir die twee weeklikse diens by die Landgoed. Hy vertel met smaak dat hy nooit sy regte telefoonnommer in die boek skryf as daar ‘n hekwag met ‘n boek is. Hy vertel ook dat hy nie die regte nommerplaatnommer geskryf het. nie. Ek het my verbaas, want die toegang maatreëls is tog nie om die mense wat inkom te beskerm nie maar ter wille van die inwoners? Ek het nog nooit van iemand gehoor wat dit doen nie?
Die ‘preek’ het my ook warm om die kraag want dit gaan toe oor gewete? Dit was meer van ‘n regse politieke toespraak as ‘n preek… ek sal nie weer na hom gaan luister nie.
Aan jou baas of jou maat is jy getrouheid skuldig; aan jouself , eerlikheid. Waar die twee pligte teenstrydig is, kies laasgenoemde. CJ Langenhoven
Doen altyd wat reg is. Jy sal ‘n paar mense tevrede stel en die res verstom. Mark Twain
Al wat mens met met oneerlikheid bereik dat niemand jou wil glo wanneer jy die waarheid praat nie. Aristoteles
Geen eerlike man het nog ooit berou gehad oor sy eerlikheid nie. Duitse Spreekwoord.
Baie paaie lei na die land van haat. Jaloesie is die kortste. Woodrow Wilson
Morele verontwaardiging is niks anders as jaloesie met ‘n stralekrans nie HG Wells
Jaloerse mense is lastig vir ander, maar vir hulleself is hulle ondraaglik. William Penn
As enige sonder dodeliker is as jaloesie, is dit om goed te voel omdat ander jaloers is op jou. Richard Armour
Wat dink jy? Wie is gewoonlik meer jaloers – mans of vroue? Hoe jaloers is jy?
Ek was lanklaas lus om op ‘n Sondag te kyk wat daar te kope is. Miskien sien jy iets wat jy al lankal na gesoek het, indien nie hoop ek dat dit jou ten minste sal laat glimlag.
rondomtaliedraai 