Vandat ek hier op die Landgoed woon het ek al ‘n paar goeie lewenslesse geleer. Van die begin af het ek en my twee buurvroue (die een 87 en die ander 80) besonder goeie vriende geraak. Ons drie vorm ‘n gedugte span – ons praat as daar iets fout is en help (as ons kan) waar dit nodig is. Ons het daarmee saam baie pret.
Aan die begin van Augustus sal ons 17 inwoners wees en sal ons nie meer gelyk middagete saam kan eet nie, want daar is nie genoeg plek nie. Ons het besluit om die laat sessie te gaan eet en ‘n nuwe tannie reken sy wil saam met ons eet want ons lag altyd – behalwe dat ons soms sommer oor lawwe goed lag, is ons gesprekke nie onbenullig nie … ons is net oor die algemeen positief. Elke mens kan kies hoe hy/sy deur die lewe wil gaan – ontevrede en negatief of vrolik en positief. Ouderdom het hiermee niks te doen nie.
Grinnik… die enigste probleem is dat mens se houding en monde jou diep in die moeilikheid kan bring! Het jy al geglimlag vandag?
rondomtaliedraai 
Ek dink jy’s ‘n ou doring en ‘n inspirasie.
My blus raak maar uit ook!
Ggggggg!!!!
As ek te lank ernstig is raak ek morbied, dan gaan soek ek na iets om oor te lag. Lewensvreugde is ‘n wonderlike gawe. Party word daarmee gebore, ander moet hard daaraan werk.
Ja jy is reg… by my kom dit ook nie vanself.
Lag is goeie medisyne
Net so en dit steek aan.
vrolike opgeruimde geselskap doen sommer baie vir mens se eie gemoedstoestand!
Net so… en ek is juis eintlik meer aan die neerslagtige kant, maar hier gee hulle my nie kans om in sak en as te sien nie
oe ek hou van Bruggie se uitdrukking.. dit is seker moeilik vir iemand wat pyn en wroeg om te glimlag, maar die gesondes sal altyd daar wees. Baie bly jy geniet jou blyplek en almal tesame.
Daar is baie positiewe en negatiewe mense wat meer pyn beleef as wat mens se verstand kan verstaan, maar ook daar kan mens die verskil sien. Dit gaan eintlik hier oor gesonde mense wat hulle lewens omkerm.
Die lewe is net te kort om na treurmares te moet luister…..
Dis baie waar!
Lekker man! Geniet dit. Die eerste foto hou regtig sy mond styf toe
Ja maar hy glimlag darem vrolik
Beslis! 😀
Dis al wat ons kan doen, anders is die gat net te diep. Dis nice om sulke vriende te he.
Ja jy is reg!
Dis ‘n besluit wat mens moet neem.Ek hou my nie op met klakouse en negatiewe mense nie,alhoewel ek ook soms kla en vies word.Maar dis beslis nie deel van my daaglikse bestaan nie.
Ja ek kan ook goed kla en mor en is ook baie keer neerslagtig, maar sjoe sommige mense kan darem heeltyd so áf’wees.
Ek voel juis so skaam oor my gekerm oor my selfoon!Goeie nuus ek het vandag ‘n splinternuwe foon gekry..hoop dis nou die laaste nonsens!
Nee wat jy het ‘n heel positiewe lewensuitkyk. Baie geluk met die nuwe foon – ek het vandag ‘n meevallertjie gekry en dink ek moet ook more opdateer
Ja laat weet.Dis altyd lekker om goeie nuus te lees.
Ek het ook ‘n nuwe foon gekoop vandag… myne is darem so gehawend en dit pas nie by ‘n Landgoedeienaar nie!
Hehe,dis goeie nuus!Oppas vir groepsdruk daar op die landgoed.. 😆
Ongelukkig is jy reg … sug…
Ek weet nie eintlik wat om te kommentaar nie 😆
Ek probeer deesdae veral bitter hard om positief te bly, al is dit vir my ‘n erg moeilike tyd in my persoonlike lewe, maar soms kry omstandighede net die oorhand. Maar ek lag darem al weer. Dit tel seker vir iets?
Mmmm jy loop nie heel dag en fout soek met alles nie? Ek is ook maar soms neerslagtig. Ek sou ook graag iemand wou gehad het wat vir my lief is, maar die Liewe Vader is goed vir my!
Positiewes apart ? Hoe lyk dit met rantsoeneer. Geen ontduiking van opvrolikplig nie. Ek heb je in de gate. Pasop !
Dit het net so uitgewerk. Interessant die persoonlikhede. Ek verstaan nou meer goed. Ek dink as mens uit ‘n negatiewe beswaarde huis kom bly jy so vir die res van jou lewe?
Jy moet maar in die gate hou want ek dink jy is self hondstout.