RSS Feed

Onderwys

Vanoggend kry ek so vreemde gevoel. Ek wonder hoe dit sal/sou wees as ek moreoggend dou voor dag moes opstaan en vir die eerste dag van die nuwe kwartaal by die skool moes aanmeld. Dit gebeur baie selde want ek geniet die aftrede ongelooflik baie. Alles het verander in die onderwys en hoewel ek nogal nuuskierig is of die stelsel beter werk, is die idee van vroeg opstaan en veral van nasienwerk ‘n baie onaantreklike gedagte Ek het toe maar ‘n oomblik doodstil gelê tot die gevoel verby gaan.

Sterkte aan al die onderwysers en kinders vir die nuwe kwartaal. Hoop dis opwindend en baie pret.

926af21659101d1956600ba68b3e14dd

49149

51560

24 responses

  1. Ek sou ook doodstil gelê het🙂
    Dit is darem gans te lekker om op ‘n mens se eie tyd in die oggende op te staan.

  2. Soms kry ek ook nog die gevoel dat ek weer wil skoolhou, maar dan soos ek dit graag wil doen. Gelukkig staan ek steeds vroeg op so die vroeg opstaan sal nie pla nie.

  3. Ek hou al jarre en jarre aan en af skool. Nou, hopelik die laaste keer by ‘n baie goeie privaatskool en waar ek gewoonlik op die eerste dag van die kwartaal ‘n knop op my maag gehad het omdat ek bang was vir die kinders wat so stout was, het ek nou so knop op my maag omdat ek bang is vir die onnies….

  4. Gelukkig het jou gevoel oor gegaan…baie lekkerder om laat te lê en te doen wat jy wil!

  5. monicahaddad01

    Daai slegte gevoel het net die lekker gevoel daarna versterk🙂

  6. Meer admin as voorbereiding, en meer dissipline prober toepas as wat leer plaasvind. More kwart oor 5 opstaan – nee, ek’s nog nie reg daarvoor nie! Dis te koud!

%d bloggers like this: