RSS Feed

Lank lank gelede …

Hier by die Landgoed waar ons nou elke middag saam eet, broei daar natuurlik allerhande dinge wat in die verlede gebeur het uit. Nou die dag het ons onderwysers gesels oor hoe daar teen vroue gediskrimineer is. Jy kon nie op jou eie ‘n lening by die bank kry of selfs ‘n rekening open nie. Die mans het die promosieposte gekry ten spyte van die feit dat hulle nie hulle boeke nagesien het nie. Jy het jou permanete pos verloor as jy getrou het.

‘n Paar van die dinge het darem verander maar daar het onderliggend nog heelwat dinge gebly wat hewig ontken sal word. Die man wat die rygby kan afrig is soms baie meer werd as die vrou wat jou kind deur matriek kan kry. Die lekker van dit alles is egter dat mens dit nie meer aan jou eie bas voel nie.

10402414_10152861589393312_1098912387677169477_n

 

31 responses

  1. Genugtig, daai reëls klink soos skending van menseregte. Wat sal SADOU daarvan sê? Dankie tog vir 2014.

  2. Hehehe! Ja nee Blikskottel, blameer dit op die Ingelse!
    Daai vroulike onderdanigheid en gelate ondergeskiktheid is deur Kerk en Staat op die wetboek geplaas.

  3. 1994, presies na die donnerse Ingelse ons republiek gesteel het.

    My ander foto blog sal ek ook nou gereeld weer op datu hou.
    http://pxpphotography.wordpress.com/

  4. Oooo, die verskille wat so onregverdig was en steeds nog maar is! Verskille was nie net in onderwys so nie. Privaatsektor het vroue ook maar goed uitgebuit.

  5. My Engels juffrou op hoërskool het nog al daai reëls nagekom!

  6. Ek wonder of onderwysers ooit tyd het om by roomys winkels te loiter?

  7. Ek konnie eers die sestigs se boksies hanteer nie. Dit sou groot gemors afgegee het, het ek daardie tyd geleef.

  8. Bwahahaa!Dis eintlik hartseer van snaaksgeit.Ons moes dieselfde betaal om te studeer,maar het baie minder salaris gekry as die spul lui mans op die personeel.

    • Praat jy… en ons moes dieselfde vir losies en ‘n nuwe kar moes betaal … wag ek moenie begin nie. Gelukkig het ek darem ander kanse gekry wat vir my baie lekker was.

  9. ek is uit nogvoordat ek kon inkom. 😀

  10. O jinne, dankie tog ek leef wanneer ek leef!

    Ek sou dit beslis nie maak nie!

  11. Dis oulik – die reels! Baie snaaks nou 100 jaar later.
    Ons kyk nou die reeks Mad Men wat in die sestiger jare afspeel en selfs in Amerika is daar teen vrouens gediskrimineer,maar dis vrouens wat vir vrouens regte afgedwing het nie mans wat dit afgestaan het nie🙂

  12. Oe Carol sal dit geniet … daardie Rules!

%d bloggers like this: